約 翰 一 書

1 2 3 4 5

1:1 論到活命的道,對起頭所有,阮所聽見、親目所看見,所觀看,也阮的手摸著的。(
1:2 此個活命曾出現,阮有看見,來做干證,也報恁知彼個永活的活命,就是本及父佇啲,也出現佇阮的。)
1:3 阮將所看見、所聽見報恁知,欲互恁及阮交陪。閣阮所交陪就是及父以及伊的子耶穌基督。
1:4 阮寫諸個,是欲互阮的歡喜充滿。
1:5 阮對伊所聽的話、來傳互恁的,就是講,上帝是光,佇伊全然無暗。
1:6 咱若講有啲及伊交陪,也行佇黑暗,就是講白賊,無行真實。
1:7 獨獨咱若行佇光明,親像伊佇光明,就咱相及交陪,也伊的子耶穌的血洗除咱攏總的罪。
1:8 咱若講無罪,就是騙家己,真理也無佇咱。
1:9 咱若認咱的罪,伊是真實公義,欲赦免咱的罪,洗除咱攏總的不義。
1:10 咱若講未曾犯罪,便是互伊做講白賊的,伊的道理無佇咱。