歷 代 志 上

10:1	非利士人及以色列人交戰，以色列人佇非利士人的面前逃走，佇基利波山受刣死。
10:2	非利士人趇近掃羅及伊許個子，非利士人就刣死掃羅的子約拿單、亞比拿達、麥基舒亞。
10:3	交戰的陣勢對佇掃羅真危急，射箭的人射伊，困苦到極，
10:4	掃羅就給彼個攑伊的戰器者講：「你拔出你的刀，給我鑿死，免得許個無受割禮的人來凌辱我。」彼個攑伊的戰器的呣愛，因為真驚；
10:5	掃羅就攑伊的刀將身軀俯佇頂面來刺死。攑伊的戰器的人看見掃羅已經死，也刺佇刀裡來死。
10:6	按呢，掃羅及伊三個子死，全家做一下死。
10:7	徛起山谷的以色列人看見軍兵逃走，掃羅及伊的子攏死，也放拺的城逃走，非利士人就來徛起伊。
10:8	隔日，非利士人來搶剝(pak)許個受刣的人，尋著掃羅及伊的子死佇基利波山，
10:9	就剝(pak)伊，提伊的頭殼及軍裝，差人到非利士地的四境報消息互的偶像及的百姓，
10:10	用伊的軍裝下佇的上帝的廟，吊伊的頭殼佇大袞(Tāi-kún)的廟。
10:11	基列的雅比人聽見非利士人所款待掃羅一切的事，
10:12	的眾勇士就起來，將掃羅的身屍及伊許個子的身屍帶到雅比，閣將伊的骨骸佇雅比的橡樹腳，禁食七日。
10:13	按呢，掃羅死。因為伊犯罪佇耶和華，為著伊無守耶和華的命令；閣因為伊去尋鬼上身的婦仁人來問伊，
10:14	也無問耶和華，所以伊刣死伊，將伊的國歸互耶西之子大衛。