歷 代 志 上

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29

15:1 大衛就為家己起幾若間厝佇大衛的城,閣為上帝的約櫃備辦一所在,給伊搭布棚。
15:2 彼時大衛講:「除去利未人以外,無人通扛上帝的約櫃;因為耶和華揀扛上帝的約櫃,閣服事伊直到永遠。」
15:3 大衛聚集以色列眾人到耶路撒冷,愛將耶和華的約櫃扛到伊所給伊備辦的所在。
15:4 大衛閣聚集亞倫的子孫及利未人。
15:5 哥轄的子孫中有頭人烏列及伊的兄弟一百二十人。
15:6 米拉利的子孫中有頭人亞帥雅及伊的兄弟二百二十人。
15:7 革順的子孫中有頭人約珥及伊的兄弟一百三十人。
15:8 以利撒反的子孫中有頭人示瑪雅及伊的兄弟二百人。
15:9 希伯崙子孫中有頭人以列及伊的兄弟八十人。
15:10 烏設的子孫中有頭人亞米拿達及伊的兄弟一百十二人。
15:11 大衛召祭司撒督及亞比亞他,以及利未烏列亞帥雅約珥示瑪雅、以列、亞米拿達諸個人來,
15:12 講:「恁是利未人的族長,恁及恁的兄弟著家己清氣,才通將耶和華──以色列上帝的約櫃扛到我所給伊備辦的所在。
15:13 因為恁從前無按呢做,咱的上帝──耶和華已經責罰咱,因為咱無照定著的例尋伊。」
15:14 對按呢祭司及利未人清氣家己,欲將以色列的上帝──耶和華的約櫃扛上來。
15:15 利未的子孫就用槓(kǹg),扛上帝的約櫃佇肩頭頂,照摩西趁耶和華的話所命令的。
15:16 大衛利未的族長,分派唱歌的兄弟作樂用瑟(sek)及琴及鐃鈸(nâ-poa̍h),歡喜出聲來唱。
15:17 對按呢利未人分派約珥的子希幔及伊兄弟中比利家的子亞薩,及in同族的兄弟米拉利的子孫中古沙雅的子以探
15:18 閣有第二班的兄弟撒迦利雅便雅設示米拉末耶悅、烏尼、以利押比拿雅瑪西雅瑪他提雅以利斐利戶、彌克尼雅,及顧門者俄別以東耶利
15:19 按呢,派唱歌者希幔、亞薩、以探拍鐃鈸(nâ-poa̍h)出大聲;
15:20 撒迦利雅雅設示米拉末耶悅、烏尼,以利押瑪西雅比拿雅彈瑟,伊的聲音清亮;
15:21 閣派瑪他提雅以利斐利戶彌克尼雅俄別以東耶利亞撒西雅做頭彈琴,調用第八。
15:22 利未人的頭人基拿尼雅是管理唱歌,閣教人唱歌,因為伊精通此個。
15:23 比利家以利加拿是約櫃前顧門者。
15:24 祭司示巴尼約沙法拿單業亞瑪賽撒迦利雅比拿亞以利以謝佇上帝的約櫃前歕號頭。俄別以東耶希亞也是約櫃前顧門者。
15:25 對按呢,大衛以色列的長老,及千總攏去俄別以東的家歡喜扛耶和華的約櫃對遐上來。
15:26 上帝幫助扛耶和華約櫃的利未人,就獻公的牛七隻,公的羊七隻。
15:27 大衛穿幼苧布的長衫,扛約櫃的利未人及唱歌者,以及管理唱歌的基拿尼雅,連唱歌的人攏是按呢;大衛閣穿幼苧布的以弗得
15:28 按呢,以色列眾人出大聲,歕哨角、歕號頭、拍鐃鈸、彈琴及瑟,扛耶和華的約櫃上來。
15:29 耶和華的約櫃到大衛城的時,掃羅的查某子米甲對窗仔內啲看,看見大衛王趒跳跳舞(tiô-thiàu -hiàu-bú),心內就看輕伊。


回聖經目錄