歷 代 志 上

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29

19:1 此霎了後,亞捫人的王拿轄死,伊的子續接伊做王。
19:2 大衛講:「我欲好款待拿轄的子哈嫩因為伊的老父從前好款待我。」大衛就差幾若個使者為著伊死老父去安慰伊。大衛的人臣到亞捫人的地見哈嫩,欲安慰伊,
19:3 總是亞捫人的貴族對哈嫩講:「大衛差人來安慰你,拍算伊是尊敬你的老父嗎?伊的人臣來見你豈呣是欲詳細查、毀滅、探聽此個地嗎?」
19:4 哈嫩就將大衛的人臣剃伊的嘴鬚,剪斷伊的衣服的一半,露現伊的下體,才互伊去。
19:5 有人用諸個人所抵著的去給大衛講,伊就差人去接,因為許個人真見誚;王吩咐講:「著且踮耶利哥,聽候嘴鬚發長才倒來。」
19:6 亞捫人知對的所做有互大衛厭惡哈嫩亞捫人就寄銀一千他連得,對米所波大米亞蘭瑪迦瑣巴倩(chhiàⁿ)戰車及馬兵,
19:7 對按呢倩(chhiàⁿ)三萬二千張的戰車及瑪迦王以及伊的百姓;就來紮營佇米底巴的頭前。亞捫人也對許個城出來,聚集欲交戰。
19:8 大衛聽見,就差約押及勇猛的全軍出去。
19:9 亞捫人出來排陣佇城門前,所來諸個王另外排陣佇郊野。
19:10 約押看見對敵佇伊的前後排陣,就對以色列軍中揀選精兵,互排陣來對亞蘭人;
19:11 其餘的兵交互伊的小弟亞比篩,互伊排陣對亞捫人。
19:12 閣講:「亞蘭人若卡強我,你著來幫助我;亞捫人若卡強你,我就幫助你。
19:13 著好膽,咱著為咱的百姓及咱的上帝諸個城做大丈夫,願耶和華照伊所看做好的來行。」
19:14 約押就及隨伊的人進前排陣佇亞蘭的面前;亞蘭人就佇伊的面前逃走。
19:15

亞捫人看見亞蘭人逃走,亦佇約押的小弟亞比篩面前逃走入城。約押就倒轉去耶路撒冷

19:16 亞蘭人看見in刣輸以色列人,就差使者聚集大河彼旁的亞蘭人,哈大利謝的將軍朔法來。
19:17 有人通知大衛,伊就聚集以色列眾人過約但河,來到亞蘭人遐,排陣抵敵大衛已經排陣攻擊亞蘭人,就及伊交戰。
19:18 亞蘭人佇以色列人的面前逃走。大衛亞蘭人七千張車的兵,閣步兵四萬,亦刣死將軍朔法。
19:19 哈大利謝諸個人臣看見刣輸以色列人,就及大衛講和,來服事伊。對按呢亞蘭人無閣幫助亞捫人。


回聖經目錄