歷 代 志 上

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29

21:1 撒但起來愛害以色列,引誘大衛以色列人的數額。
21:2 大衛約押及百姓中的首領講:「恁去算以色列人,對別是巴到但,倒來給我講,互我知的數額。」
21:3 約押講:「願耶和華互伊的百姓比現今加添百倍。我的主我的王啊,豈無攏是我的主的百姓嗎?我的主啥事命令此個代誌,啥事互以色列犯罪啊?」
21:4 總是王的話贏過約押約押就出去,遍行以色列地,閣倒來耶路撒冷
21:5 約押就將所算百姓的總額報告大衛:以色列人會攑刀者一百十萬;猶大人會攑刀者四十七萬。
21:6 獨獨利未人及便雅憫人伊無算在內,因為約押厭惡王此個命令。
21:7 此個事上帝看做呣好,就拍以色列
21:8 大衛對上帝講:「我行此個事大大有罪!今求你除去你的奴僕的罪,因為我所做的真戇。」
21:9 耶和華吩咐大衛的先見者迦得講:
21:10 「你著去給大衛講,耶和華按呢講:今我用三項排佇你面前,你揀一項,我通行佇你。」
21:11 迦得就來見大衛,給伊講:「耶和華按呢講:『你著家己揀:
21:12 豈採三年的飢荒;抑是三月日久抵著損害佇你的對敵的面前,互仇讎的刀劍趇著你;抑是三日久耶和華的劍,就是瘟疫佇你的國內,耶和華的使者佇以色列的遍境啲毀滅。』今你著想看,我通用甚麼話回覆差我者。」
21:13 大衛迦得講:「我窘迫到極。我願陷落佇耶和華的手,因為伊的憐憫真大;我呣願陷落佇人的手。」
21:14 對按呢,耶和華就降瘟疫佇以色列以色列人死者七萬。
21:15 上帝差一個使者到耶路撒冷滅伊,欲滅伊的時,耶和華看見,就退悔此個災禍,就給毀滅的使者講:「夠額啦,今通停你的手!」彼時,耶和華的使者徛佇耶布斯阿珥楠的五穀場。
21:16 大衛攑目,看見耶和華的使者徛佇半空中,拔刀佇手裡,伸佇耶路撒冷的頂面。大衛及諸個長老攏穿麻衫,面仆佇地裡。
21:17 大衛對上帝講:「吩咐算百姓的豈呣是我嗎?我犯罪行大歹,總是諸個羊群有做甚麼啊?求耶和華──我的上帝伸手佇我及我的父的家,呣通攻擊你的百姓,降瘟疫互。」
21:18 當彼時耶和華的使者命令迦得去給大衛講,大衛著上去,佇耶布斯阿珥楠的五穀場給耶和華起一座壇;
21:19 大衛就照迦得奉耶和華的名所講的話上去。
21:20 彼時阿珥楠啲拍麥,越頭看見天使,及伊佇啲四個子走去匿。
21:21 大衛阿珥楠遐,阿珥楠看見大衛,就出五穀場,俯頭拜大衛
21:22 大衛阿珥楠講:「你用此個五穀場的地互我,互我佇遐通給耶和華起一座壇,你著照足額的價錢賣我,互瘟疫息無害百姓。」
21:23 阿珥楠大衛講:「你通用伊,願我的主我的王照你所看做好的去行。你看,我用牛互你做燒祭,用拍五穀的器具做柴,亦用麥做素祭。諸個我攏互你。」
21:24 大衛王給阿珥楠講:「呣是按呢!我決斷欲用足額的價錢來買。因為我呣愛提你的物互耶和華,呣愛用無開費來獻燒祭。」
21:25 對按呢大衛為著彼塊地秤六百舍客勒的金互阿珥楠
21:26 大衛佇遐給耶和華起一座壇,獻燒祭及平安祭,閣求叫耶和華。伊對天降火佇座壇頂,來應伊。
21:27 耶和華命令使者,伊就收伊的刀入鞘。
21:28 彼時,大衛看見耶和華佇耶布斯阿珥楠的五穀場應伊,就佇遐獻祭。
21:29 因為摩西佇曠野所造耶和華的會幕及燒祭的壇,彼時攏佇基遍高的所在;
21:30 總是大衛會上到伊的面前來問上帝,因為伊驚耶和華使者的刀。


回聖經目錄