歌 林 多 前 書

1 2 3 4 5 6 7 8 9 10 11 12 13 14 15 16

16:1 論到兌銀幫助聖徒的事,照我所曾吩咐加拉太諸個教會的,恁也著按呢行。
16:2 每七日的頭一日,恁逐人照所得的利家己積下啲(hē-teh),免得我來的時才捐兌。
16:3 我若到,看恁用批舉薦(kú-chiàn)甚麼人,我欲差帶恁所送的銀到耶路撒冷
16:4 若應該著我去,也通及我去。
16:5 我經過馬其頓了後,就欲到恁遐,因為我對馬其頓經過,
16:6 豈採欲及恁且住,過冬天也敢。互恁送我佇所欲去的。
16:7 是我呣愛此霎佇路裡見著恁;因為主若准,我向望及恁住啲卡久。
16:8 總是我猶欲住佇以弗所,到五旬節;
16:9 因為主有給我開一個闊大閣有功效的門,若是對敵也多。
16:10 提摩太若到,恁著留心,互伊佇恁中間無驚惶;因為伊著磨佇主的工,親像我一樣。
16:11 所以,呣通有人看輕伊,著送伊安然起身,就近我,因為我啲聽候伊及諸個兄弟來。
16:12 論到兄弟亞波羅,我再三勸伊及諸個兄弟就近恁;總是伊現今攏無意思欲去,若有機會伊就欲去。
16:13 恁著警醒,徛在佇信,做大丈夫,做勇健。
16:14 恁凡事著佇仁愛來行。
16:15 兄弟啊,恁知司提反阿的家,是亞該亞頭水的果子,in掠服事聖徒做家己的職份。
16:16 我勸恁降服此等號的人,以及見若同做工來著磨者。
16:17 我歡喜司提反阿福徒拿亞該古來,因為in補恁的無夠。
16:18 有安慰我及恁的心神。親像此號的人,恁著知通敬重伊。
16:19 亞西亞諸個教會請安恁。亞居拉百基拉及聚集佇厝內的教會,佇主切切請安恁。
16:20 眾兄弟請安恁。恁著用聖的相唚來相請安。
16:21 我──保羅親筆請安恁。
16:22 若有無疼主的人,伊著受咒詛。咱的主來啊!
16:23 願主耶穌基督的恩及恁佇啲!
16:24 我的疼佇基督耶穌及恁眾人佇啲。阿們!