歌 林 多 前 書

1 2 3 4 5 6 7 8 9 10 11 12 13 14 15 16

5:1 確實聽見恁中間有淫亂。也彼號淫亂外邦中所無的,就是有人有伊的老父的某。
5:2 恁猶啲自高,也竟然無哀傷,將行此號代誌的人對恁中間除去。
5:3 我身軀相離開,心神及恁相近,親像親身佇啲,已經有擬定行此號事的人。
5:4 託咱的主耶穌的名,恁諸個已經聚集,我的神也佇啲,閣有咱的主耶穌的權能,
5:5 將彼號人交互撒但,致到敗壞伊的肉體,欲互伊的神佇咱的主耶穌的日得救。
5:6 恁的誇口呣是好。豈呣知淡薄酵會發歸甑(sn̂g)嗎?
5:7 舊的酵著除到清,互恁成做新的甑,親像恁是無酵的;因為咱過節的羊羔也已經刣,就是基督。
5:8 所以,咱著守節,無用舊的酵,也無用歹心、惡毒的酵,是用純全真實的無酵餅。
5:9 前我寫彼張批互恁,教恁呣通及淫亂的人參插(chham-ahhap)。
5:10 呣是泛泛(hoàn-hoàn)指此世間淫亂的,抑是貪心的,及勒索(le̍k-sek)的,抑是拜偶像的;若欲按呢,著離開世間才會。
5:11 總是今我寫批互恁是講,若有人稱做兄弟也有淫亂,抑是貪心,抑是拜偶像,抑是詈罵,抑是好酒,抑是勒索(le̍k-sek)的,莫得及伊參插(chham-ahhap),此號人連及伊食也呣通。
5:12 因為判斷外面人及我有甚麼干涉?
5:13 內面的人豈呣是恁判斷的?也外面的人上帝判斷伊啊!彼個歹人著對恁中間除去。

回聖經目錄