歌 林 多 前 書

1 2 3 4 5 6 7 8 9 10 11 12 13 14 15 16

6:1 恁中間有人及人冤家,豈敢告佇不義的人的面前,也無佇聖徒的面前嗎?
6:2 抑是恁呣知聖徒欲審判世間?世間尚且互恁審判,也堪得審判極小可(sió-khóa)的事嗎?
6:3 豈呣知咱欲審判天使?何況今世的事嗎?
6:4 今恁若有今世的事著審判,恁豈是用教會中無名字的審判嗎?
6:5 我講按呢是欲互恁見誚。豈是恁中間無一個智識的人會判斷佇伊的兄弟中?
6:6 竟然兄弟告兄弟,續告佇呣信的人的面前。
6:7 今恁有相告的事,已經攏是恁的大失錯。啥事呣寧可(lêng-khó.)受冤枉?啥事呣寧可受剋虧啊?
6:8 若是恁竟然冤枉人、剋虧人,況兼(hòng-kiam)諸個是兄弟。
6:9 豈呣知不義的人會承接上帝的國嗎?莫得錯誤!淫亂的、拜偶像的、行姦淫的、做孌童(loân-tông)的、好(hò.n)男色的、
6:10 做賊的、貪心的、好酒的、詈罵人的、勒索(lek-sek)人的,攏得著承接上帝的國。
6:11 恁中間有人早是按呢;若是佇主耶穌基督的名,及咱的上帝的神,已經洗清,已經得著成聖,已經稱做義。
6:12 凡事我攏通,若是無一盡有利益。凡事我攏通,若是無一項,我欲互伊管。
6:13 食是為著腹肚,腹肚也是為著食;總是此二項上帝欲廢伊。獨獨身軀呣是為著淫亂,是為著主;主也是為著身軀。
6:14 上帝曾互主復活,也欲對伊的權能互咱復活。
6:15 豈呣知恁的身軀是基督的百體?我豈通將基督的百體互伊做娼妓的百體嗎?斷斷呣通!
6:16 抑是恁呣知及娼妓聯合的,是及伊做一體?因為講:「二個欲成做一體。」
6:17 獨獨及主聯合的,是一個神。
6:18 著閃避淫行(îm-hēng)。人所犯,逐項的罪,攏是身軀外的,若是行姦淫的,是犯罪到佇家己的身軀。
6:19 抑是恁呣知恁的身軀就是聖神的殿?聖神佇恁,就是恁對上帝所有的;閣恁呣是家己的,
6:20 因為是用價錢買的。所以,著佇恁的身軀榮光上帝。

回聖經目錄