彼 得 前 書

1 2 3 4 5

5:1  所以恁中間的長老我苦勸,我也同做長老,也做基督受苦的干證,也相及有份啲欲顯現的榮光:
5:2 恁著照顧佇恁中間上帝的羊群,來監督伊;呣是對勉強,是甘心照上帝;呣是為著呣合宜的錢,是對歡喜的意思;
5:3 也呣是佇所交代恁的做主,是做羊群的模樣。
5:4 就大牧者顯現的時,恁欲得著(bõe) 衰退榮光的冕旒。
5:5 按呢恁少年人,著降服長老。恁大家也攏著用謙遜做衫穿,來相服事;因為上帝抵敵驕傲者,施恩互謙卑者。
5:6 所以,著家己謙卑,佇上帝大氣力的手下,互伊到時高升恁。
5:7 恁用凡所掛慮的交付伊,因為伊關心佇恁。
5:8 著節制,著警醒。恁的對敵就是魔鬼,親像哮的獅,四界行,啲尋所通吞食者。
5:9 恁對信堅固著抵當伊,知恁眾兄弟佇世間也經過此樣的苦難。
5:10 閣萬項恩典的上帝就是曾佇基督召恁,得著伊永遠的榮光的,佇恁暫時受苦的了後,家己欲互恁齊全、堅固、勇健。
5:11 權能歸伊,到代代。阿們!
5:12 我看西拉做盡忠的兄弟,對伊寫短短的批互恁,來苦勸恁,也干證此個是上帝真的恩。恁著徛在佇此個。
5:13 巴比倫相及受揀選的,以及我的子馬可請安恁。
5:14 恁著用仁愛的相唚來相請安。願恁(tiàm)佇基督的人攏得平安!