歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

1:1 大衛的子所羅門國位堅固;耶和華──伊的上帝及伊佇啲,互伊不止大興旺。
1:2 所羅門以色列眾人講,就是千總、百總、審判司,以及通以色列的首領及族長。
1:3 所羅門及會眾攏去到基遍的山頭壇,佇遐有上帝的會幕,就是耶和華的奴僕摩西佇曠野所造的。
1:4 獨獨上帝的櫃,大衛已經對基列耶琳帶伊上去到大衛替伊備辦的所在,因為伊曾替伊搭布棚佇耶路撒冷
1:5 戶珥的孫、烏利的子比撒列所造的銅壇也佇遐,佇耶和華會幕前。所羅門及會眾就近伊。
1:6 所羅門上到耶和華面前的銅壇就是佇會幕遐,獻燒祭一千佇彼頂面。
1:7 彼暝,上帝對所羅門出現,給伊講:「你愛我賞賜你甚麼,你通求啦。」
1:8 所羅門對上帝講:「你曾對我的老父大衛大施慈愛,閣互我續接伊做王。
1:9

耶和華上帝啊,今求你行你所應允我的老父大衛的話;因為你設立我做此個百姓的王,親像地上的土沙一樣。

1:10 求你賞賜我智慧聰明,互我通出入佇此個百姓的面前;因為,是誰會審判你許大國的百姓啊?」
1:11 上帝對所羅門講:「你已經有此號心,無求貨財、好額、尊貴,及你的對敵的生命,也無求家己長歲壽,獨獨為家己求智慧聰明互你通審判我的百姓,就是我設立你做的王的;
1:12 所以賞賜你智慧聰明,我也欲賞賜你貨財、好額、尊貴。佇你以前的列王攏無有按呢,佇你以後也無欲有按呢的。」
1:13 對按呢,所羅門基遍山頭壇會幕前倒來耶路撒冷,做王管理以色列
1:14 所羅門聚集戰車馬兵,有戰車一千四百張,馬兵一萬二千名,安置佇囤車的城也及王佇耶路撒冷
1:15 王佇耶路撒冷互金銀親像石頭,互柏香樹親像平洋的桑材樹,因為真多。
1:16 所羅門所有的馬是對埃及來的,就是王的生理人一陣一陣照價錢買來的。
1:17 埃及買來的車,每張值銀六百舍客勒,馬每匹一百五十。人諸個王及亞蘭諸個王攏對經手照按呢帶出來。