歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

10:1 羅波安示劍,因為以色列眾人到示劍,欲設立伊做王。
10:2 尼八的子耶羅波安閃避所羅門王的面,走去埃及,踮佇遐;耶羅波安聽見此個事,就對埃及倒來。
10:3 差人去叫伊來,耶羅波安就及以色列眾人來見羅波安
10:4 給伊講:「你的老父互阮背艱苦的軛;你的老父所下佇阮的苦工及重的軛,求你減輕,阮就服事你。」
10:5 羅波安講:「三日後閣來見我!」百姓就去。
10:6

羅波安的老父所羅門活啲的時,有跟隨佇伊面前的老人,羅波安王議論,講:「恁有甚麼計策,我通回覆此個百姓。」

10:7 給伊講:「你若好款待此個百姓,互歡喜,用好話來應就永遠做你的奴僕。」
10:8 總是伊拒絕老人所互伊的計策,及許個徛佇伊面前及伊平勻的少年人參詳,
10:9 給伊講:「此個百姓有對我講:『你的老父下佇阮的軛,求你互阮卡輕』;今恁有甚麼計策,互咱通回覆。」
10:10 許個及伊平勻的少年人講:「此個百姓對你講:『你的老父互阮背重的軛求你給阮減輕』;你著按呢應講:『我的尾指卡大我的老父的腰;
10:11 我的老父互恁背重的軛,我欲加添恁的軛;我的老父用鞭警戒恁,我欲用蠍仔蟲警戒恁。』」
10:12 第三日,耶羅波安及眾百姓到羅波安遐,照王所命令講「第三日閣來我遮」。
10:13 王用歹聲嗽應百姓,羅波安王放拺老人的計策,
10:14

照少年人的計策對講:「我的父互恁背重的軛,我欲加添恁的軛;我的父用鞭警戒恁,我欲用蠍仔蟲警戒恁。」

10:15 王無聽趁百姓;因為此個代誌是出佇上帝,互耶和華應驗伊託示羅亞希雅尼八的子耶羅波安所講的話。
10:16 以色列眾百姓看見王無聽趁,百姓就對王講:阮佇大衛有甚麼份額啊?阮及耶西的子無干涉!以色列啊,逐人倒去恁的布棚!大衛啊,著顧你家己的厝!對按呢,以色列眾人倒去的布棚。
10:17 總是徛起猶大諸個城的以色列人,羅波安猶原做的王。
10:18 羅波安王差管理做苦工的人哈多蘭去,以色列人就用石頭擲死伊。羅波安王就趕緊上車,欲走去耶路撒冷
10:19 對按呢,以色列反叛大衛家,到今仔日。


回聖經目錄