歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

12:1 羅波安的國堅固,伊強盛的時就棄拺耶和華的律法,以色列也攏隨伊。
12:2 羅波安王五年,埃及示撒上來攻擊耶路撒冷,因為得罪耶和華。
12:3 示撒有戰車一千二百張,馬兵六萬,閣隨伊對埃及出來的人,就是路比人、蘇基人、古實人,多到算得。
12:4 伊攻取猶大堅固的城,就來到耶路撒冷
12:5 彼時,猶大的首領為著示撒的緣故聚集佇耶路撒冷。先知示瑪雅來見羅波安及許個首領,給講:「耶和華按呢講:『恁棄拺我,所以我棄拺恁佇示撒的手。』」
12:6 對按呢以色列許個首領及王家己謙卑講:「耶和華是公義。」
12:7 耶和華看見家己謙卑,耶和華的話就臨到示瑪雅講:「既然家己謙卑,我無欲剿滅;欲互略仔得著拯救,我無欲用示撒的手傾落我的受氣佇耶路撒冷
12:8 總是欲做示撒的奴僕,互知服事我及服事列國有甚麼分別。」
12:9 對按呢,埃及示撒上來攻擊耶路撒冷,搶耶和華殿的寶物及王宮的寶物,攏帶去,閣搶所羅門所做金的屏牌。
12:10 羅波安王做銅的屏牌來替,交互守王宮門的侍衛長顧守。
12:11 王逐擺入耶和華的殿,侍衛就帶諸個屏牌,後來就帶倒轉來,下佇侍衛的厝。
12:12 王家己謙卑的時,耶和華的受氣收倒轉,無一盡滅伊,閣佇猶大的中間也有好的代誌。
12:13 羅波安王家己強盛,佇耶路撒冷做王。羅波安坐位的時四十一歲,佇耶路撒冷,就是耶和華對以色列眾支派中所揀安置伊的名的城,做王十七年。伊的老母名叫拿瑪,是亞捫人。
12:14 羅波安行歹,因為伊無定著意思尋耶和華。
12:15 羅波安所行的事,對頭到尾豈無記佇先知示瑪雅及先見易多的冊,論族譜的嗎?羅波安耶羅波安常常交戰。
12:16 羅波安及伊的列祖同睏,埋葬佇大衛城。伊的子亞比雅續接伊做王。


回聖經目錄