歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

13:1 耶羅波安王十八年,亞比雅坐位做猶大王,
13:2 耶路撒冷做王三年久。伊的老母名叫米該亞,是基比亞烏列的查某子。亞比雅耶羅波安交戰。
13:3 亞比雅用一陣過揀的兵四十萬來排陣,攏是好膽的戰士;耶羅波安也用過揀的大勇士八十萬,來對伊排陣。
13:4 亞比雅徛佇以法蓮山地的洗瑪臉山,講:「耶羅波安及以色列眾人啊,著聽我!
13:5 耶和華──以色列的上帝將以色列國永遠互大衛,就是設立鹽的約,賞賜伊及伊子孫,恁豈呣著知嗎?
13:6 總是大衛的子所羅門的人臣、尼八的子耶羅波安起來背叛伊的主人。
13:7 有許個無下落的匪類聚集隨伊,家己強猛來攻擊所羅門的子羅波安;彼時羅波安猶少年軟茈會抵當
13:8 「今恁有意思欲抵敵大衛的子孫所治理耶和華的國,恁的人額真多,閣有金牛仔及恁佇啲就是耶羅波安所給恁造做上帝的。
13:9 恁豈呣是趕逐耶和華的祭司就是亞倫的子孫及利未人,照外國人的規例家己設立祭司嗎?甚至無論甚麼人牽一隻牛牨仔及七隻綿羊牨來分別家己,就通做無影跡的上帝的祭司。
13:10 論到阮,耶和華是阮的上帝,阮無棄拺伊。阮有祭司服事耶和華,就是亞倫的子孫,閣有利未人逐個盡伊的職,
13:11 逐早起逐下昏獻燒祭燒芳香互耶和華,閣有排列的餅佇聖潔的桌;也有金燈台及燈盞,逐下昏通點伊,因為阮守耶和華──阮上帝的命令;獨獨恁棄拺伊。
13:12 看啊,上帝及阮佇啲做阮的頭,伊的祭司也及阮佇啲,提響亮的號頭大聲歕攻擊恁。以色列人啊,呣通及耶和華──恁列祖的上帝交戰,因為恁會亨通。」
13:13 總是耶羅波安埋伏兵佇的後面。對按呢,以色列人佇猶大的頭前,埋伏的兵佇的後面。
13:14 猶大人越頭看,看前後攏有對敵的兵,就求叫耶和華,祭司也歕號頭。
13:15 猶大人就喉叫;猶大人喉叫的時,上帝就拍贏耶羅波安及以色列眾人佇亞比雅猶大人的面前。
13:16 以色列人佇猶大人的面前逃走,上帝交猶大人的手。
13:17 亞比雅及伊的百姓大大刣死以色列人倒啲來死的有五十萬過揀的人。
13:18 彼時,以色列人就降服,猶大人得著卡贏,因為倚靠耶和華──in列祖的上帝的緣故。
13:19 亞比雅追趇(jip)耶羅波安,取伊幾若個城,就是伯特利及伊的鄉社,耶沙拿及伊的鄉社,以法蓮及伊的鄉社。
13:20 亞比雅活啲的日,耶羅波安會閣強盛;耶和華拍伊,伊就死。
13:21 亞比雅漸漸強盛,娶某十四個,生子二十二個,查某子十六個。
13:22 亞比雅其餘的事及伊的言行,攏記佇先知易多的註解(chù-kái)。


回聖經目錄