歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

16:1 亞撒王三十六年,以色列巴沙上來攻擊猶大,起拉瑪,欲阻擋人出入佇猶大王亞撒遐。
16:2 亞撒就對耶和華的殿及王宮的府庫提出金銀,送互徛起佇大馬色亞蘭便哈達,講:
16:3 「我及你有約,親像前我的老父及你的老父一樣。今我用金銀送你,請你去廢無你及以色列王巴沙所立的,互伊離開我。」
16:4 便哈達聽趁亞撒王的話,差伊許個軍長去攻擊以色列的城。就攻破以雲、但、亞伯瑪音,以及拿弗他利一切府庫的城。
16:5 巴沙聽見就停工,無閣起拉瑪
16:6 對按呢亞撒王導猶大眾人,就搬徙(sôa)巴沙所用來起拉瑪的石頭及柴,用伊來起迦巴米斯巴
16:7 彼時,先見哈拿尼來見猶大亞撒,給伊講:「因為你倚靠亞蘭王,無倚靠耶和華──你的上帝,所以亞蘭王的軍兵脫離你的手。
16:8 古實人及路比人豈呣是大的軍隊?有多多戰車及馬兵嗎?獨獨因為你倚靠耶和華,伊就將交佇你的手。
16:9 因為耶和華的目睭佇全地看來看去,見若專心向伊的,伊欲顯明伊的大氣力幫助伊。佇此個代誌你所行是戇;因為按呢,以後你欲有交戰的事。」
16:10 亞撒就受氣先見,關伊佇監裡。因為伊為著此件事大受氣。彼時亞撒也歹款待百姓中幾若人。
16:11 亞撒所行的事,對頭到尾攏記佇猶大及以色列諸個王的記錄。
16:12 亞撒王三十九年,伊的腳有破病,病真傷重。破病的時無求耶和華,獨獨去求醫生。
16:13 亞撒做王四十一年就死,及伊的列祖相及睏,
16:14

埋葬佇伊家己的墓就是伊佇大衛的城為家己所鑿的,下佇眠床裡,伊的眠床有芳香滿滿,就是照調和香的法所創的,百姓為著伊行多多燒的禮數。