歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

17:1 亞撒的子約沙法續接伊做王,家己強盛,抵敵以色列
17:2 安置軍兵佇猶大許個堅固的城,閣設防守的兵佇猶大地及伊的老父亞撒所取以法蓮許個城。
17:3 耶和華及約沙法佇啲;因為伊行伊的祖大衛起頭行的路,無尋許個巴力,
17:4 獨獨尋伊的老父的上帝,行伊的誡命,無照以色列人的所行。
17:5 所以耶和華堅固伊的國位,猶大眾人獻禮物互約沙法;伊就有多多貨財及榮光。
17:6 伊奮志行耶和華的道路,閣對猶大除去許個山頭壇,及許個亞舍拉
17:7 伊做王第三年,就差伊的人臣便亥伊勒俄巴底撒迦利雅拿坦業米該亞猶大逐個城教示百姓。
17:8 去的有利未示瑪雅、尼探雅、西巴第雅亞撒黑示米拉末約拿單亞多尼雅多比雅駝巴多尼雅,閣有祭司以利沙瑪約蘭也及去。
17:9 猶大教示有帶耶和華律法的冊,遍行猶大逐個城教示百姓。
17:10 耶和華互猶大四圍逐邦國真驚,呣敢及約沙法交戰。
17:11 非利士人有的送禮物進貢銀互約沙法阿拉伯人也帶歸群精牲互伊,就是綿羊牨七千七百隻,山羊牨七千七百隻。
17:12 約沙法漸漸強大到極,佇猶大起營寨及府庫的城。
17:13 伊佇猶大諸個城有多多工作,閣佇耶路撒冷有戰士,就是大權能的勇士。
17:14 的數額,照宗族,記佇下面:猶大族的千總押拿做統領,導大權能的勇士──三十萬;
17:15 閣落來是統領約哈難導二十八萬勇士;
17:16 閣落來是細基利的子亞瑪斯雅(伊甘願獻家己互耶和華),導大權能的勇士──二十萬。
17:17 便雅憫族有大權能的勇士以利雅大,導攑弓箭及涫屏牌者──二十萬;
17:18 閣落來是約薩拔導備辦交戰者──十八萬。
17:19 諸個攏是伺候王的,另外有王所安置佇猶大逐個堅固的城的。


回聖經目錄