歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

19:1 猶大約沙法平安倒去耶路撒冷,到伊的厝。
19:2 先見哈拿尼的子耶戶出來迎接約沙法王,給伊講:「你幫助歹人,疼怨恨耶和華的人合宜嗎?因為按呢耶和華的受氣臨到你。
19:3 若是你猶有好事佇啲,因為你對此個地方除去亞斯他錄,閣定著你的心尋上帝。」
19:4 約沙法踮佇耶路撒冷,後來閣出去巡視百姓的中間,對別是巴以法蓮山地,導百姓歸向耶和華──列祖的上帝;
19:5 閣設立審判官佇境內佇猶大堅固的城,逐個城攏按呢,
19:6 給許個審判官講:「謹慎恁的所做;因為恁審判呣是為著人,是為著耶和華。恁審判的時,伊及恁佇啲。
19:7 今恁著驚畏耶和華,謹慎做代誌;因為耶和華──咱的上帝無有不義,無偏袒,無收賄賂。」
19:8 約沙法利未人及祭司,及以色列族長中設立人,佇耶路撒冷為耶和華判斷代誌,及相告,伊就倒去耶路撒冷
19:9 伊閣命令講:「恁著驚畏耶和華,盡忠誠實心來行此個代誌。
19:10 見若恁的兄弟踮佇許個城者,若有冤家的事來就近恁,無論甚麼代誌,或是為著流血,抑是佇律法及誡命,抑是律例及法度的中間,恁著警戒,呣通得罪耶和華,致到受氣臨到恁及恁的兄弟;恁按呢做,就無罪。
19:11

看啊!見若屬耶和華的事,有祭司頭亞瑪利雅管理恁;見若屬王的事,有猶大的族長以實瑪利的子西巴第雅管理恁;佇恁的面前有利未人做官長。恁著好膽做代誌,願耶和華及好人佇啲。」


回聖經目錄