歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

20:1 此霎了後,摩押人及亞捫人,閣有米烏尼人,相及來欲及約沙法交戰。
20:2 有人來報約沙法講:「對海外對亞蘭遐有大軍隊來攻擊你,今i哈洗遜他瑪,就是隱基底。」
20:3 約沙法就驚,定著意思懇求耶和華,佇猶大全地宣佈禁食。
20:4 對按呢猶大人聚會,求耶和華幫助。猶大逐個城攏有人出來尋耶和華。
20:5 約沙法就佇猶大耶路撒冷的會中,徛佇耶和華殿的新院的頭前,講:
20:6 「耶和華──阮的列祖的上帝啊,你豈呣是佇天裡的上帝嗎?你豈呣是列邦萬國的主宰嗎?佇你的手有權能有氣力,無一個會抵敵你。
20:7 阮的上帝啊,你豈呣是曾佇你的百姓以色列人的面前趕逐此個地方徛起的百姓,將伊賞賜你的朋友亞伯拉罕的後裔到永遠嗎?
20:8 就踮佇此個地方,閣因為你的名佇遮給你起一間聖所,
20:9 講:『設使有災禍臨到阮,或是刀劍譴責,或是瘟疫飢荒,當患難的時,阮欲徛佇此間的頭前佇你的面前懇求你,因為你的名是踮佇此間殿,你欲聽來拯救。』
20:10 以色列人出埃及地的時,你呣准侵犯亞捫人、摩押人,及西珥山人,就離開,無滅
20:11 看啊,怎樣報應阮,來趕逐阮出你的業,就是你賞賜阮互阮承接的。
20:12 阮的上帝啊,恁無欲責罰嗎?因為阮無力通抵當此個來攻擊阮的大軍隊,阮也呣知著怎樣行,阮的目睭專專向你」。
20:13 猶大眾人及的細漢囝仔、的某、的子兒攏徛佇耶和華的面前。
20:14 彼時,耶和華的神佇公會中臨到雅哈悉,伊是利未亞撒的後裔──瑪探雅的元孫,耶利的曾孫,比拿雅的孫,撒迦利雅的子。
20:15 伊講:「猶大眾人、耶路撒冷徛起的百姓,及約沙法王你,攏著聽,耶和華對恁按呢講:『莫得因為此個大軍隊來驚來;因為此個交戰呣是在佇恁,就是在佇上帝。
20:16 明仔日恁著落去接陣,洗斯山坪上來,恁欲佇耶魯伊勒曠野頭前的山谷口抵著
20:17 此擺恁呣免交戰,猶大耶路撒冷啊,恁著排陣徛啲,看耶和華拯救恁。呣免驚,呣免懔。明仔日著出去遐,因為耶和華及恁佇啲。』」
20:18 約沙法就俯頭仆佇地裡,猶大眾人及耶路撒冷徛起的百姓也仆佇耶和華的面前,敬拜耶和華。
20:19 哥轄族及可拉族的利未人攏徛起來,用極大的聲謳咾耶和華以色列的上帝。
20:20 隔日早早起來,出去提哥亞的曠野。出去的時,約沙法徛啲講:「猶大人及耶路撒冷徛起的百姓啊,著聽我:恁著信耶和華──恁的上帝就欲徛在;信伊的先知就欲亨通。」
20:21 伊已經及百姓議論,就設立唱歌謳咾耶和華的,互穿聖閣媠的衫,行佇軍隊的頭前謳咾耶和華講:「著感謝耶和華,因為伊的慈愛永遠佇啲!」
20:22 抵仔唱歌謳咾的時,耶和華就派埋伏的兵攻擊許個來攻擊猶大亞捫摩押,及西珥山的人,就受拍。
20:23 因為亞捫摩押人起來,攻擊踮佇西珥山的人,一盡刣來滅;一盡滅踮佇西珥的人了後,逐個分旁相剿滅。
20:24 猶大人到曠野守望的樓,看見許個大軍隊,看啊,身屍倒佇地裡,無一個走離。
20:25 約沙法及伊的百姓來搶的財物,佇中間尋著多多財物、衣服、寶貝,剝做家己的多到帶去;搶物到三日,因為真多。
20:26 第四日聚集佇比拉迦的山谷,因為佇遐謳咾耶和華。所以彼所在名叫比拉迦山谷,到佇今仔日。
20:27 就倒去,就是猶大耶路撒冷的人,約沙法的頭前,大家歡喜倒去耶路撒冷;因為耶和華及刣贏對敵,來歡喜快樂。
20:28 彈琴、彈瑟、歕號頭來耶路撒冷,到耶和華的殿。
20:29 列邦諸個國聽見耶和華刣贏以色列的對敵,就驚上帝。
20:30 按呢,約沙法的國太平,因為伊的上帝賞賜伊四圍平安。
20:31 約沙法猶大王,坐位的時三十五歲,佇耶路撒冷做王歷過二十五年。伊的老母名叫阿蘇巴,就是示利希的查某子。
20:32 約沙法行伊的老父亞撒的路,無偏歪,行耶和華所看做好的事。
20:33 總是山頭壇猶未廢無,閣百姓也未有定著心意歸向列祖的上帝。
20:34 約沙法其餘的事,對頭到尾攏記佇哈拿尼的子耶戶的冊,彼個冊也列佇以色列列王的冊。
20:35 彼時了後,猶大約沙法以色列亞哈謝結交;亞哈謝行歹到極
20:36 二個王相及造船欲去他施,就佇以旬迦別造船。
20:37 彼時瑪利沙人、多大瓦的子以利以謝用讖語攻擊約沙法講:「因為你結交亞哈謝,耶和華破壞你的所做。」對按呢船就破,會去他施