歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

21:1 約沙法及伊的列祖同睏,及伊的列祖葬佇大衛的城。伊的子耶和蘭續接伊做王。
21:2 耶和蘭有幾若個小弟,就是約沙法的子亞撒利雅耶歇撒迦利雅亞撒利雅米迦勒示法提雅。諸個攏是以色列約沙法的子。
21:3 老父用多多物業互,就是金、銀、寶貝,及猶大地堅固的城互;總是用國位互耶和蘭,因為伊是大子。
21:4 耶和蘭起來坐伊的老父的位,家己強盛,就用刀刣死伊的眾小弟及以色列幾若個首領。
21:5 耶和蘭坐位的時三十二歲,佇耶路撒冷做王共八年。
21:6 伊行以色列諸個王的路,及亞哈的家無各樣;因為伊娶亞哈的查某子做某,行耶和華所看做歹的事。
21:7 總是耶和華因為家己及大衛所立的約,呣甘滅大衛的家,照伊所應允的,永遠賞賜一葩燈互伊及伊的子孫。
21:8 耶和蘭年間,以東背叛猶大,脫離伊的手頭,家己設立王。
21:9 耶和蘭就導伊許個軍長及攏總的戰車過去,透暝起來,拍圍困伊的以東人及許個車長。
21:10 按呢,以東人背叛猶大,脫離伊的手頭,到今仔日。像彼時,立拿人也背叛,脫離伊的手頭,因為耶和蘭棄拺耶和華──伊的列祖的上帝。
21:11 伊閣佇猶大的山起山頭壇,互耶路撒冷徛起的百姓行邪淫,閣誘惑猶大人。
21:12 先知以利亞寫批寄互耶和蘭講:「耶和華──你的祖大衛的上帝按呢講:『因為你無行你的父約沙法的路及猶大亞撒的路,
21:13 就是行以色列諸個王的路,閣互猶大耶路撒冷徛起的百姓行邪淫,親像亞哈的家行邪淫一樣,閣刣你的老父的家比你卡好許個小弟。
21:14 所以,耶和華欲降大災禍拍你的百姓及你的子兒、你的某,以及你一切所有的。
21:15 你的腸肚欲患著重病,逐日愈重,致到你的腸仔脫出去。』」
21:16 耶和華激動非利士人及倚近古實阿拉伯人的心來攻擊耶和蘭
21:17 上來攻擊猶大,侵入境內,搶掠王宮內所抵著的財物及伊許個子、許個某,除伊的煞尾子約哈斯以外,無給伊留一個子。
21:18 諸個代誌以後,耶和華拍伊,互伊的腸患著醫得的病。
21:19 按呢久久,二年後,伊的腸為著病脫出來,因為此個病重就死。伊的百姓無給伊行燒的禮數,親像前給伊的列祖所燒的一樣。
21:20 耶和蘭坐位的時三十二歲,佇耶路撒冷做王共八年。伊離開世間無人憶著伊,人埋葬伊佇大衛的城,獨獨無佇列王的墓。


回聖經目錄