歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

26:1 猶大眾百姓設立烏西雅續接伊的老父亞瑪謝做王,彼時伊十六歲。(
26:2 亞瑪謝王及伊的列祖同睏了後,烏西雅以祿,互伊猶原歸猶大管轄。)
26:3 伊坐位的時十六歲,佇耶路撒冷做王共五十二年。伊的老母名叫耶可利雅,是耶路撒冷人。
26:4 烏西雅行耶和華所看做好的事,照伊的老父亞瑪謝一切所行的;
26:5 當通達上帝啟示的,撒迦利亞佇啲的日,烏西雅定著意思欲尋上帝;伊尋耶和華的時,上帝就互伊亨通。
26:6 伊出去攻擊非利士人,拆毀迦特的城牆、雅比尼的城牆,及亞實突的城牆;佇非利士人的中間,佇亞實突境內,起幾若個城。
26:7 上帝幫助伊攻擊非利士人及踮佇姑珥巴力阿拉伯人,以及米烏尼人。
26:8 亞捫人進貢烏西雅。伊的名聲傳到埃及的交界,因為伊盡在強盛(kiông-sēng)。
26:9 烏西雅耶路撒冷的角門及山谷門,及城牆轉彎的所在,起城樓,閣真堅固;
26:10 閣起守更樓佇曠野,閣開多多井佇低的地及平洋,因為伊有精牲真多;閣佇山地及好的田,伊有作穡人及料理葡萄園者,因為伊歡喜種作的事。
26:11 烏西雅閣有戰士一隊,照書記耶利及首領瑪西雅所點算的,佇王軍長的一個哈拿尼雅的手下,分隊出去交戰。
26:12 族長就是大能力的勇士,伊的總額共二千六百人,
26:13 佇i的手下有過練的軍隊共三十萬七千五百人,攏是大能力,爭戰幫助王攻擊對敵的。
26:14 烏西雅為著伊的全軍備辦盾牌、槍、頭盔、戰甲,及弓,以及通甩的石,
26:15 閣佇耶路撒冷做機器,是奇巧的師傅所發明的,安佇城樓及城壔址來射箭發出大塊石。烏西雅的名聲傳到遠遠;因為伊得著非常的幫助,致到真強盛。
26:16 伊已經強盛,心就驕傲,致到腐敗,干犯耶和華──伊的上帝,因為伊入耶和華的殿,欲佇香壇燒香。
26:17 祭司亞撒利雅導耶和華勇敢的祭司八十人,隨伊入去。
26:18

就阻擋烏西雅王,給伊講:「烏西雅啊,燒香互耶和華呣是你的代誌,就是祭司亞倫的子孫的事,受設立來燒香的。你著出聖殿!因為你已經犯罪。你行此個事,耶和華上帝無欲互你得著榮光。」

26:19 烏西雅就受氣,手提香爐欲燒香。伊受氣祭司的時,佇耶和華殿內香壇邊許個祭司的面前,伊的頭額忽然起癩
26:20 祭司頭亞撒利雅及眾祭司,看見伊頭額起癩,就趕伊出殿;伊家己也緊緊出去,因為耶和華拍伊。
26:21 烏西雅王起癩到伊死的日,因為伊癩另外厝徛起,及耶和華的殿絕斷。伊的子約坦管理王家,治理國民。
26:22 烏西雅其餘的事,對頭到尾亞摩斯的子先知以賽亞記伊。
26:23 烏西雅及伊的列祖同睏;因為講,伊是癩的。人埋葬伊佇屬列王的墓地,及伊的列祖做堆。伊的子約坦續接做王。


回聖經目錄