歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

28:1 亞哈斯坐位的時二十歲,佇耶路撒冷做王十六年;無親像伊的祖大衛行耶和華所看做好的事,
28:2 就是行以色列諸個王的路,閣鑄造許個巴力的像,
28:3 閣燒香佇便欣嫩的山谷,用伊的子兒燒佇火裡,趁外邦所行可惡的事,就是耶和華佇以色列人的面前所趕逐的;
28:4 閣佇山頭壇、佇山的頂面、佇逐欉青翠的樹腳獻祭燒香。
28:5 所以,耶和華──伊的上帝交伊佇亞蘭王的手。i就拍伊,掠伊的百姓真多,帶到大馬色。閣交伊佇以色列王的手,伊刣死真多。
28:6 利瑪利的子比加做一日佇猶大刣死十二萬人,攏是勇士,因為離開耶和華──列祖的上帝。
28:7 有一個以法蓮中的勇士,名叫細基利,刣王的子瑪西雅及管理王宮的押斯利甘,及宰相以利加拿
28:8

以色列人掠的兄弟,連婦仁人,子,查某子共二十萬,閣搶多多財物,帶in所搶的去撒瑪利亞

28:9 總是佇遐有耶和華的先知,名叫俄德,出去接許個來撒瑪利亞的軍隊,給講:「因為耶和華──恁列祖的上帝受氣猶大,所以將交佇恁的手,恁竟然受氣抵天,刣真多。
28:10 今恁有意思壓制猶大人及耶路撒冷人做恁的奴僕女婢,總是恁本身豈無得罪耶和華──恁上帝嗎?
28:11 今恁著聽我講,恁所掠來恁的兄弟著放伊倒去,因為耶和華的大受氣臨到恁。」
28:12 對按呢,以法蓮的首領幾若人──就是約哈難的子亞撒利雅米實利末的子比利家沙龍的子耶希西家哈得萊的子亞瑪撒──起來阻止許個對戰陣倒來者,
28:13 講:「恁呣通帶所掠的人入來遮!因為恁所注意者是欲互阮得罪耶和華,加添阮的罪過阮的過失?因為阮的過失真大,已經有大受氣臨到以色列啦。」
28:14 對按呢攑家私的人將攑所掠的人所搶的物放佇許個首領及會眾的面前。
28:15 頂面許個記名的人就起來,互受掠的人來;其中有褪裼者,就對所搶來的物中提衫互in穿,閣用鞋互in,閣互in飲食,用油抹in;其中軟弱者,就互騎驢,送到棗樹城耶利哥的兄弟遐;後來就倒去撒馬利亞
28:16 彼時,亞哈斯王差使者去見亞述許個王,求幫助;
28:17 因為以東人閣來拍猶大,掠百姓去。
28:18 非利士人也來侵犯低的平洋及猶大南旁許個城,取伯示麥亞雅崙基低羅梭哥及伊的鄉社,亭納及伊的鄉社,瑾鎖及伊的鄉社,就踮佇遐。
28:19 因為耶和華為著以色列亞哈斯的緣故,互猶大卑微,是因為亞哈斯猶大放肆,大得罪耶和華。
28:20 亞述提革拉毗尼色上來,無援助伊,反轉窘迫伊。
28:21 亞哈斯對耶和華的殿及王宮,及首領的家提出財寶互亞述王,總是攏無利益伊。
28:22 此個亞哈斯王佇緊急的時,益發得罪耶和華。
28:23 因為伊祭祀大馬色的上帝就是拍伊者,講:「因為亞蘭王的上帝幫助,我也祭祀伊,互伊幫助我。」總是許個上帝互伊及以色列眾人攏倒壞。
28:24 亞哈斯聚集上帝殿的器具,拍破上帝殿內的器具,閣封鎖耶和華殿的門;佇耶路撒冷逐個越角起壇,
28:25

閣佇猶大逐個城起山頭壇,燒香互別個上帝,激動耶和華──伊的列祖的上帝的受氣。

28:26 亞哈斯其餘的事及伊的行做,對頭到尾攏記佇猶大以色列諸個王的記錄。
28:27 亞哈斯及伊的列祖同睏,埋葬伊佇耶路撒冷城,無互伊入佇以色列諸個王的墓。伊的子希西家續伊做王


回聖經目錄