歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

3:1 所羅門動工起耶和華的殿佇耶路撒冷、摩利亞的山,就是耶和華對伊的老父大衛出現的所在,大衛曾定著彼個地佇耶布斯阿珥楠的五穀場。
3:2 所羅門坐位第四年二月初二動工來起。
3:3 所羅門所下的地基欲起上帝的殿的,記佇下底:長六十肘,闊二十肘,攏是照古早的寸尺。
3:4 頭前的廊長二十肘,及殿的闊平平,高一百二十肘;內面安好金。
3:5 大間殿的壁用松樹的柴蓋伊,用好金安伊,頂面刻棗樹及鍊仔;
3:6 用寶石鑲彼間殿,互伊真娞;所用的金攏是巴瓦音的金。
3:7 閣用金安殿及棟樑,戶椗、牆壁、門扇;壁頂刻兵。
3:8 閣起至聖所,長二十肘,及殿的闊平平,伊的闊也是二十肘;用好金安,計共六百他連得。
3:9 釘的金釘重五十舍客勒。樓閣攏安金。
3:10 至聖所的內面照做像的法創二個兵,用金安伊。
3:11 許個兵的翅共長二十肘。此個兵一支翅長五肘,伸到殿此旁的壁;彼支翅也是五肘,伸到彼個兵的翅。
3:12 彼個兵一支翅也是五肘,伸到殿彼旁的壁;彼支翅也是五肘,及此個兵的翅相接。
3:13 許個兵展開翅,共二十肘,的腳啲徛,面向內面。
3:14 閣用藍色、紫色、朱紅色的料及幼苧布做帳;綉兵佇的頂面。
3:15 佇殿前創二支柱,高三十五肘;每支柱的柱枓高五肘。
3:16 閣做鍊仔,安佇柱枓;閣做石榴一百粒,安佇鍊仔頂。
3:17 許個柱祀佇殿前,一支佇正旁,一支佇倒旁;正旁的號名叫雅斤,倒旁的號名叫波阿斯


回聖經目錄