歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

31:1 諸個代誌攏明白,佇遐的以色列眾人出去到猶大許個城,拍碎柱像,剉斷許個亞舍拉,閣佇猶大便雅憫以法蓮、瑪拿西遍地拆毀山頭壇及祭壇到一盡滅伊。對按呢,以色列眾人逐個倒去的業,到的本城。
31:2 希西家設立祭司利未人的班列,照的班列各照的職份,祭司及利未人獻燒祭、謝恩祭,閣佇耶和華許個營的門內服事,感謝謳咾。
31:3 閣對伊的產業中定著王的份額做燒祭,就是早暗的燒祭及許個安息日、月的初一,及節期的燒祭,攏是照耶和華律法所記載的;
31:4 閣吩咐踮佇耶路撒冷的百姓供給祭司及利未人應該得著的份額,互專務耶和華的律法。
31:5 命令一下出,以色列人就帶多多起頭熟的五縠、酒、油、蜜,及田裡所出的,閣用逐項物的十份一帶真多來。
31:6 猶大諸個城的以色列人及猶大人也牽牛羊的十份一來,閣帶分別做聖歸互耶和華──的上帝的物十份一,疊一堆一堆;
31:7 對三月起積聚許個堆,到七月才明白。
31:8 希西家及許個首領來,看許個堆,就謳咾耶和華,祝福伊的百姓以色列
31:9 希西家對祭司及利未人查問許個堆。
31:10 撒督的家祭司頭亞撒利雅應講:「對百姓帶供給的物到耶和華的殿以來,阮食夠額,閣剩真多;因為耶和華賜福伊的百姓,所剩的到即多。」
31:11 希西家吩咐佇耶和華的殿內備辦粟倉,就備辦伊。
31:12 誠實心將禮物及所抽的十份一,及分別做聖的物,攏搬入來。利未歌楠雅辦理此個事,伊的小弟示每做幫辦(pang-pān)。
31:13 耶歇亞撒細雅拿哈亞撒黑耶利末約撒拔以列伊斯瑪基雅瑪哈比拿雅攏是委員,佇歌楠雅及伊的小弟示每的手下,是希西家王及管理上帝的殿的亞撒利雅所派的。
31:14 顧東門的利未音拿的子可利,掌管甘心獻互上帝的物,分發獻互耶和華的禮物及許個至聖的物。
31:15 做伊的二手的有伊甸珉雅珉耶書亞示瑪雅亞瑪利雅示迦尼雅,佇祭司諸個城照班列用實心,分發互的兄弟,無論大細攏互in。
31:16 這就是佇許個記入族譜,三歲以上的查甫丁以外,就是見若入耶和華的殿者,照逐日的分所應該的,為著照班列盡伊的職來服事;
31:17 閣祭司照伊的世系記佇族譜,以及利未人對二十歲以上,照的班列盡的職,
31:18 閣記載佇族譜中的,的細漢者、的某、的子,的查某子佇全會中的;因為盡職分,家己清氣成聖。
31:19 也為著亞倫的子孫,就是踮佇的城外的、田地的祭司佇逐個城有記名的人,來分發in應該得著的份額,互祭司的查甫丁以及見若記佇族譜的利未人。
31:20 希西家猶大遍地按呢辦理,行善良正直,盡忠佇耶和華──伊的上帝的面前。
31:21 見若伊起手所做的,佇辦理上帝殿的事,佇律法佇誡命,來尋伊的上帝,攏專心做伊,來亨通。


回聖經目錄