歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

35:1 約西亞耶路撒冷過服事耶和華。正月十四日,百姓刣過節的羊仔。
35:2 王派諸個祭司當的職,閣勉勵做耶和華殿的工;
35:3 閣對許個歸佇耶和華做聖,教示以色列人的利未人講:「恁著將聖的約櫃下佇以色列大衛的子所羅門所起的殿內,呣免恁用肩頭扛。今恁著服事耶和華──恁的上帝,及伊的百姓以色列
35:4 恁著家己備辦照恁的宗族,恁的班列,趁以色列大衛所記的,及伊的子所羅門所記的。
35:5 徛佇聖的所在照恁的兄弟,就是此個百姓宗族的房頭,著有利未人宗族的一組來服事伊。
35:6

著刣過節的羊羔,家己清氣,為著恁的兄弟備辦好勢,通照耶和華託摩西所講的來行。

35:7 約西亞對歸群的中間,綿羊仔及山羊仔共三萬隻,及牛牨三千隻,互攏總相及佇啲的百姓做過節的物;諸個是對王的產業取的。
35:8 伊許個首領也歡喜出互百姓及祭司及利未人;許個管理上帝的殿的希勒家撒迦利亞耶歇用羊仔二千六百隻,牛三百隻,互祭司做過節的祭。
35:9 利未人許個頭目歌楠雅及伊的兄弟示瑪雅拿坦業,及哈沙比雅耶利約撒拔用羊仔五千隻,牛五百隻,互利未人做過節的祭物。
35:10

按呢,服事的代誌攏備辦便。祭司徛佇伊的位,利未人徛佇的班列,照王所命令的。

35:11 過節的羊仔,祭司對的手接血來灑;利未人剝許個皮,
35:12 也將燒祭移徙伊,通照百姓宗族的房頭分互,通獻互耶和華,照摩西的冊所記的;處置許個牛也是按呢。
35:13 照定著的例,用火煏過節的羊仔。許個祭物用鼎,用鍋、用鉢(poah),煮伊;緊緊帶去互眾百姓。
35:14 然後為家己及祭司備辦;因為祭司亞倫的子孫專務獻燒祭及油,到下昏。所以利未人為家己也為祭司亞倫的子孫,備辦伊。
35:15 唱歌者亞撒的子孫,徛佇的位,照大衛、亞薩、希幔,及王的先見者耶杜頓所命令,顧門的人顧守逐個門,呣免離開的工,因為的兄弟利未人替備辦。
35:16 當彼日,服事耶和華的代誌攏備辦,也守過節,也獻燒祭佇耶和華的壇,照約西亞王所命令。
35:17 彼時相及佇遐的以色列人守過節,也守除酵節歷過七日。
35:18 對先知撒母耳的日以後,佇以色列中無有親像此霎所守的過節;閣以色列列王也攏無守過節,親像約西亞、及祭司、及利未人,以及相及佇啲的猶大,及以色列人,及耶路撒冷徛起的百姓所守的。
35:19 約西亞做王十八年就守此個過節。
35:20 諸個代誌以後,約西亞已經修整殿明白,有埃及王尼哥上來,欲拍伯拉河邊的迦基米施約西亞出去抵當伊。
35:21

伊差使者來見約西亞,講:「猶大王啊,我及你甚麼干涉?我今仔日來呣是欲攻擊你,就是欲攻擊及我交戰的家,閣上帝吩咐我著趕緊,你莫得插上帝的事,免得伊剿滅你,因為上帝及我佇啲。」

35:22 總是約西亞呣肯越轉離開伊,改裝欲及伊交戰,呣聽上帝託尼哥所講出的話,就來到米吉多的山谷交戰。
35:23 射箭的人射著約西亞王。王對伊的人臣講:「帶我出去,因為我受重傷啦!」
35:24 伊的人臣扶伊出彼張車,下佇伊第二張車,載伊到耶路撒冷,伊就死,埋葬伊佇伊的列祖許個墓。猶大耶路撒冷攏為著約西亞悲哀。
35:25 耶利米約西亞哀傷。許個唱歌的男女佇的哀詞,攏有講起約西亞,到佇今仔日;閣佇以色列中用諸個做定著的例。看啊,許個攏記佇哀詞中。
35:26 約西亞其餘的事及伊照耶和華律法所記來行的好事,
35:27 及伊對頭到尾所行的事,看啊!攏記佇以色列猶大列王的記錄。