歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

4:1 伊閣創一座銅壇,長二十肘,闊二十肘,高十肘;
4:2 閣鑄一個銅海,款式是圓的,高五肘,對此旁到彼旁十肘,圓環三十肘;
4:3 伊的下面有匏仔(pû-á)的款(khoán)圍伊,每肘十粒,來圍彼個銅海,匏仔有二鑆(sai),鑄銅海的時續鑄(chù)伊;
4:4 銅海靠佇十二隻銅牛的頂面:三隻向北,三隻向西,三隻向南,三隻向東;銅海下佇牛的頂面,牛尾向內面;
4:5 銅海厚一巴掌的闊,伊的墘親像杯的墘,親像百合花,通貯三千罷特;
4:6 閣創十個盆:下五個佇正旁,五個佇倒旁,通洗佇遐,獻燒祭所用的物洗佇彼內面;獨獨銅海是互祭司通洗。
4:7 閣照的體式造十個金的燈台,下佇殿內:五個佇正旁,五個佇倒旁;
4:8 閣創十塊桌,下佇殿內:五塊佇正旁,五塊佇倒旁;閣創一百塊金碗;
4:9 閣起造祭司的院及大院,以及院門,用銅安許個門;
4:10 用銅海下佇殿的正旁,東勢向南。
4:11 戶蘭閣創盤、托仔、碗。按呢,戶蘭所羅門王佇上帝的殿所做的工攏完。
4:12 就是:二支柱及許個盤,及柱頂二個柱枓,及蓋柱頂二個柱枓的盤的網,
4:13 閣有石榴四百粒,安佇二個網(每個網有石榴二鑆,蓋佇柱頂二個柱枓的盤)。
4:14 閣創許個座及座頂的盆,
4:15 銅海一個及伊的下面的牛十二隻,
4:16 伊的老父戶蘭用光亮的銅,為所羅門王為耶和華的殿做盤、托仔、肉叉,及逐樣的器具,
4:17 王佇約但平洋疏割及撒利但的中間,佇粘土的地鑄成的。
4:18 按呢所羅門做許個一切的器具真多,銅的輕重boe得著知。
4:19 所羅門也創上帝殿內一切的器具及金的壇及排列餅許個桌,
4:20 及好金的燈台及伊的燈,通照例點佇後殿的頭前。
4:21 伊的花伊的燈及鉗,攏是金的,閣是足成的金;
4:22 閣用好金做剪刀、盤、匙、火鼎。論到厝的門路,伊的內面至聖所的門及厝的門,就是殿的門,攏是金的。


回聖經目錄