歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

6:1 彼時,所羅門講:耶和華曾講伊欲踮佇黑黑暗暗的中間。
6:2 總是我已經起一間殿互你徛起,做你永遠住的所在。
6:3 王越轉伊的面祝福以色列的會眾,以色列會眾攏徛起來。
6:4 伊講:「耶和華──以色列的上帝是應該謳咾者!因為伊親嘴對我的父大衛所應允的,親手應驗伊。
6:5 講:『對我導我的百姓出埃及地以來,我未曾佇以色列眾支派中揀一個城來起殿互我的名踮佇遐,也未曾揀人做我的百姓以色列的仁君;
6:6 獨獨揀耶路撒冷互我的名踮佇遐,閣揀大衛治理我的百姓以色列。』
6:7 「我的父大衛心內有意思,欲為耶和華──以色列的上帝的名起殿,
6:8 總是耶和華對我的父大衛講:『你的心有意思欲為我的名起殿,你此個意思真好;
6:9 獨獨你呣通起殿,你所親生的子欲為我的名起殿。』
6:10 「今耶和華應驗伊所講的話,我照耶和華的話起來續接我的父大衛,坐以色列的國位,閣為耶和華──以色列上帝的名起殿。
6:11 我安置約櫃佇遐,櫃內有耶和華的約,就是伊及以色列人所立的約。」
6:12 王當以色列會眾的面前,徛佇耶和華的壇前,攑起手,(
6:13 因為所羅門曾造一個銅台,長五肘,闊五肘,高三肘,下佇院中),就徛佇台頂,當以色列會眾的面前跪落去,攑起手向天,
6:14 講:「耶和華──以色列的上帝啊,佇天裡,佇地裡無有上帝親像你!守約行慈愛佇你許個奴僕,就是盡心行佇你的面前者;
6:15 你對你的奴僕──我的父大衛所應允的你有守伊。你親嘴講的,親手應驗伊,照今仔日的款。
6:16 耶和華──以色列的上帝啊,你所應允你的奴僕──我的父大衛講:『你的子孫若謹慎in的所做,行我的律法,親像你行佇我的面前,就屬佇你的欲佇我的面前坐以色列的國位永無斷。』今求你應驗伊。
6:17 耶和華──以色列的上帝啊,你對你的奴僕大衛所講的,求你互伊成做實事。
6:18 「上帝豈真正欲及世間人徛起地上嗎?看啊,天及諸個天的天尚且無夠額互你徛起,何況我所起此間殿啊?
6:19 耶和華──我的上帝啊,願你俯落數念你的奴僕的祈禱懇求,來聽你的奴僕所祈禱佇你的面前的求叫祈禱。
6:20 願你日暝看顧此個殿,就是你所講起欲安置你的名佇遐的所在;來聽你的奴僕所欲向此所在祈禱的祈禱。
6:21 你的奴僕及你的百姓以色列向此所在祈禱的時,願你聽的祈求,願你對天你徛起的所在來聽,你聽見的時就赦免。
6:22 「人若得罪伊的厝邊,也有人用一個咒誓教伊咒誓,伊若來此間殿,佇你的壇前咒誓,
6:23 求你對天聽來辦理伊,審判你諸個奴僕,定歹人的罪,照伊所行的報應佇伊的頭殼;定義人做義,照伊的義來互伊。
6:24 「設使你的百姓以色列因為得罪你,才刣輸佇對敵的面前,若歸向你認你的名,閣佇此間殿祈禱懇求你,
6:25 求你對天聽,來赦免你的百姓以色列的罪,互倒來你所賞賜,及列祖的地。
6:26 「設使得罪你,致到天關密無落雨,你刑罰的時,若向此所在祈禱,認你的名,離開的罪,
6:27 求你佇天裡聽,赦免你的奴僕及你的百姓以色列的罪,佇你教示所著行的好路的時,閣落雨佇你的地,就是你賞賜你的百姓做業的。
6:28 「此個地若有飢荒、瘟疫、枯焦、朽爛(hiú-nōa)、草蜢、剪蟲(chián-thâng),抑是許個對敵,佇許個城的地圍困,無論有甚麼災禍甚麼破病,
6:29 或是一人,或是你的百姓以色列的眾人,逐個知家己心內的災禍憂悶,向此間殿攑起手,無論怎樣懇求,怎樣祈禱,
6:30

願你對天裡你所徛起的所在來聽伊,來赦免伊。你知的心,照逐人的行做來款待(因為世間人的心只有你知若定),

6:31 佇你賞賜阮列祖的地一世人敬畏你,行你的道路。
6:32 「論到外邦人,呣是屬你的百姓以色列的,為著你的大名大權能的手,伸出的手骨,對遠遠的所在來,in若來向此間殿祈禱,
6:33 願你對天,你徛起的所在來聽,照外邦人一切所對你求的來行,互天下萬百姓攏識你的名,敬畏你,親像你的百姓以色列一樣,閣互知我所起此間殿,是用你的名來稱的。
6:34 「你的百姓若出去你所差去的路,及對敵交戰,向你所揀此個城,及我為著你的名所起的殿來祈禱你,
6:35 願你對天來聽的祈禱懇求,來保護的義。
6:36 「你的百姓若得罪你(因為無有無犯罪的人),你受氣,將交互對敵,致到到或是遠或是近的地;
6:37 若佇所掠去的地,心內倒轉想來反悔,閣佇掠的人的地,懇求你講:『阮有罪,阮有悖逆,阮有做歹』;
6:38 若佇受掠去的地,就是對敵掠去的地,盡心盡性歸服你,閣向本地,就是你賞賜列祖的地及你所揀的城,以及我為著你的名所起的殿來祈禱你,
6:39 願你對天你所徛起的所在聽的祈禱懇求,來保護的義,閣赦免你的百姓得罪你的。
6:40 「我的上帝啊,今我求你目睭看,耳孔聽佇此所在所獻的祈禱。
6:41 耶和華上帝啊,求你起來,你及你能力的櫃,入你安息的所在。耶和華上帝啊,願你的祭司穿救恩;願你許個聖的百姓,得著福氣來歡喜。
6:42 耶和華上帝啊,求你莫得拒絕你受抹油者,著記念你施互你的奴僕大衛的慈愛。」


回聖經目錄