歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

7:1 所羅門祈禱明白,就有火對天落來,一盡燒燒祭及別號的祭。耶和華的榮光充滿殿;
7:2 因為耶和華的榮光充滿耶和華的殿,所以祭司會入耶和華的殿。
7:3 彼個火降落、閣耶和華的榮光佇殿裡的時,以色列眾人看見,就佇舖石的所在仆落地敬拜,感謝耶和華講:因為伊是好,伊的慈惠永永佇啲!
7:4 王及眾百姓佇耶和華的面前獻祭。
7:5 所羅門王用牛二萬二千隻,羊十二萬隻獻祭。按呢,王及眾百姓為著上帝的殿行獻殿的禮。
7:6 祭司照伊的職啲徛;利未人也提耶和華的樂器,就是前大衛利未人謳咾的時,大衛王刁持造來感謝耶和華的。(因為伊的慈惠永永佇啲!)祭司佇的面前歕哨角,以色列人攏徛啲。
7:7 所羅門也分別耶和華殿前院中做聖,佇遐獻燒祭及謝恩祭的油,因為所羅門所曾造的銅壇無夠額容允許個燒祭、素祭及油膋。
7:8 彼時所羅門守節期七日,以色列眾人對哈馬的路口到埃及的溪,攏來及伊守成做大的會。
7:9 到第八日設嚴肅會,因為守獻壇的禮七日,閣守節七日。
7:10 七月二十三日,王差百姓倒去的布棚;逐個歡喜心快樂,是因為耶和華所施出互大衛所羅門及伊的百姓以色列的恩惠。
7:11 對按呢所羅門起耶和華的殿及王宮完工;佇耶和華的殿及王宮見所羅門心內所愛做的,攏做到成功。
7:12 暝時耶和華出現佇所羅門,給伊講:「我已經聽你的祈禱,也揀此所在做獻祭我的殿。
7:13 我若關密天致到無落雨,抑是命令草蜢食伊的土產,抑是互瘟疫流行佇我的百姓中,
7:14 我的百姓用我的名來稱的,若家己謙卑、祈禱,求見我的面,越轉離開in的歹路,我欲對天聽,赦免的罪,醫治的地。
7:15 我欲目睭看、耳孔聽,佇此所在所獻的祈禱。
7:16 因為我今已經揀此間殿,分別伊做聖,互我的名永遠佇遐,我的目睭、我的心也欲久長佇遐。
7:17 論到你若行佇我的面前,親像你的老父大衛所行的,遵趁我一切所命令你的,執守我的律例我的法度,
7:18 我就欲堅固你的國位,親像我及你的老父大衛所立的約,講:『你的後裔欲管理以色列永無斷。』
7:19 「恁若越轉來棄拺我的律例我的誡命,就是我下佇恁的面前的,去服事別個上帝來敬拜伊,
7:20 我就欲對我賞賜的地拔(pu̍ih)的根,閣我為家己的名所分別做聖此間殿,也欲對我的面前棄拺伊,互伊佇萬國中做話柄受譏刺(ki-chhì)。
7:21 此間殿雖然真高,將來經過的人欲卬愕講:『耶和華啥事按呢款待此個地此間殿啊?』
7:22 就欲應講:『是因為棄拺耶和華──列祖的上帝,就是導埃及地的,去結聯別個上帝,服事敬拜,所以耶和華互這一切的災禍臨到。』」


回聖經目錄