歷 代 志 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36

8:1 到二十年尾,就是所羅門起耶和華的殿及王宮完工的時。
8:2 所羅門閣起戶蘭所互所羅門許個城,互以色列人住佇遐。
8:3 所羅門去到哈馬瑣巴,攻取伊。
8:4 伊閣佇曠野起達莫,及佇哈馬所起許個府庫的城,
8:5 閣起頂伯和崙,下伯和崙是險要的城,有牆,有門,有楗( kông);
8:6 閣起巴拉所羅門所有府庫的城,及下車的城及馬兵的城,及所羅門耶路撒冷、佇黎巴嫩,及佇伊所治理的全地,為家己的快樂所愛起的,攏起伊。
8:7 論到所剩的百姓人、亞摩利人、比利洗人、希未人、耶布斯人,呣是屬佇以色列的,
8:8 就是佇此地方所剩的後裔,以色列人無一盡滅者,所羅門做苦工,到今仔日。
8:9 總是以色列人,所羅門無互做奴僕做伊的工,是做伊的戰士,軍長的首領、車長、馬兵長。
8:10 所羅門王的大官,管理百姓者,二百五十人。
8:11 所羅門帶法老的查某子對大衛的城,上到伊所給伊起的厝;因為講:「我的某呣通徛起佇以色列大衛的厝,因為耶和華的櫃所到的所在攏是聖地。」
8:12 所羅門佇耶和華的壇,就是佇兩廊的頭前所起的,獻燒祭互耶和華;
8:13 摩西所命令佇安息日、月的初一,一年三擺所定著的節,就是除酵節、七七節、搭寮仔節,照逐日所應該獻的來獻。
8:14 閣照伊的老父大衛的例,定著祭司的班列,來做伊的工,閣定著利未人盡的職,互謳咾,閣佇祭司的面前服事照逐日所應該做的;閣設立顧門者,照的班列佇逐個門,這是上帝的奴僕大衛所命令的。
8:15 王所命令許個祭司及利未人,無論管府庫抑是別項事,攏無違逆(ûi-ke̍h)。
8:16 所羅門起耶和華的殿,對下地基到成功的日,工料攏代先備辦。按呢,耶和華的殿攏起好。
8:17 彼時,所羅門以東地到佇海墘的以旬迦別以祿
8:18 希蘭託伊的奴僕,差船隻及知影海路的奴僕到伊遐。所羅門的奴僕到俄斐,對遐得著金四百五十他連得,運到所羅門王遐。


回聖經目錄