列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

12:1 耶戶第七年,約阿施坐位,佇耶路撒冷做王歷過四十年。伊的老母名叫西比亞,是別是巴人
12:2 約阿施得著祭司耶何耶大教示,一生行耶和華看做好的事;
12:3 總是山頭廟無廢無,百姓猶獻祭燒香佇山頭廟。
12:4 約阿施給眾祭司講:「見若獻佇耶和華的殿分別做聖的物所值的銀就是通用的銀,抑是逐人應該納的身價銀,抑是心所願獻佇耶和華殿的銀,
12:5 祭司逐人著對所識的人收來,修理殿破壞的所在。無論甚麼所在破壞,攏著修理。」
12:6 總是約阿施王二十三年,祭司猶未修理殿破壞的所在。
12:7 所以約阿施王召祭司耶何耶大,及其餘的祭司來,給講:「恁怎樣無修理殿破壞的所在啊?今恁呣通閣對所識的人收銀,著交出彼個銀,修理殿破壞的所在。」
12:8 眾祭司答應呣閣收百姓的銀,也無修理殿破壞的所在。
12:9 祭司耶何耶大取一個櫃,佇櫃蓋鑿一孔,下佇壇邊,佇入耶和華殿的正旁;,把門的祭司將帶入耶和華殿的銀下佇櫃內。
12:10 看見櫃內的銀已經多,王的書記及大祭司上來,將耶和華殿內所得著的銀,款佇袋仔內,來算秤伊。
12:11 將所秤的銀交互做工的,就是耶和華殿內辦事的人;in就將伊發互修理耶和華殿的木匠及建築的人,
12:12 及土匠、石匠,也欲買柴料及過拍的石,修理耶和華殿破壞的所在,以及修理殿的雜費。
12:13 總是彼個帶來入耶和華殿的銀,無用伊來做耶和華殿內的銀杯、剪刀、碗、號頭,及逐號金器銀器,
12:14 就將彼個銀交互做工的人修理耶和華的殿;
12:15 閣將銀交互所經手的人互伊發互做工人,無及算數,因為做代誌誠實。
12:16 獨獨補過失祭的銀、贖罪祭的銀無帶入耶和華的殿,是歸祭司。
12:17 彼時,亞蘭王哈設上去攻擊迦特,提伊,就定著意思上去攻擊耶路撒冷
12:18 猶大約阿施將伊的列祖猶大約沙法約蘭亞哈謝所獻做聖的物及伊本身所獻做聖的物,以及耶和華的殿及王宮府庫所有的金攏送互亞蘭哈設;伊就無上來耶路撒冷
12:19 約阿施其餘的事,見伊所行的豈無攏記佇猶大列王的記錄嗎?
12:20 伊的人臣起來背叛,刣死約阿施佇落去悉拉米羅的厝。
12:21 伊的人臣就是示米押的子約撒甲朔默的子約薩拔刣死伊。人埋葬伊佇大衛的城及伊的列祖像位;伊的子亞瑪謝續接伊做王。


回聖經目錄