列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

14:1 以色列約哈斯的子約阿施第二年,猶大王約阿施的子亞瑪謝坐位。
14:2 伊坐位的時二十五歲,佇耶路撒冷做王共二十九年。伊的老母名叫約耶但,是耶路撒冷人。
14:3 亞瑪謝行耶和華看做好的事,總是無親像伊的祖大衛,就是照伊的老父約阿施一切所行的去行;
14:4 總是山頭壇猶未廢無,百姓猶原獻祭燒香佇山頭壇。
14:5 前許個人臣刣死伊的老父猶大王,今國權一下堅固,就給刣死,
14:6 總是無刣死的子,照摩西律法的冊所記載,耶和華命令講:「呣通因為子來刣死老父,也呣通因為老父來刣死子,逐人著因為本身的罪來死。」
14:7 亞瑪謝的山谷刣死以東人一萬,閣攻取西拉,改名叫約帖,到今仔日。
14:8 彼時,亞瑪謝差使者去見耶戶的孫約哈斯的子以色列約阿施,講:「來啊,咱二人相見面佇戰場。」
14:9 以色列王約阿施差使者去見猶大亞瑪謝講:「黎巴嫩的草茦差使者去見黎巴嫩的柏香樹,講:用你的查某子互我的子做某。後來黎巴嫩有一隻野獸經過,踏彼個草茦。
14:10 你已經拍贏以東心就驕傲,你掠此個做榮光,佇家內安然徛起就好,啥事起事惹災禍,互本身及猶大國相及倒壞(tó-hoāi)啊?」
14:11 總是亞瑪謝呣肯聽。對按呢以色列王約阿施上來,佇猶大伯示麥猶大亞瑪謝相見面佇戰場。
14:12 猶大刣輸佇以色列的面前,逐人走倒去的布棚。
14:13 以色列約阿施伯示麥掠著亞哈謝的孫、約阿施的子猶大亞瑪謝,就來到耶路撒冷,拆毀耶路撒冷的城牆,對以法蓮門到角門共四百肘,
14:14 閣將耶和華殿內及王宮府庫所有的金銀及器具攏提去,閣帶人去做準當(chún-tǹg),就倒去撒瑪利亞
14:15 約阿施其餘的事見伊所行的及伊的能力,以及及猶大亞瑪謝交戰的事,豈無攏記佇以色列諸個王的記錄嗎?
14:16 約阿施及伊的列祖同睏,及以色列諸個王相及葬佇撒瑪利亞,伊的子耶羅波安續接伊做王。
14:17 以色列約哈斯的子約阿施死了,猶大約阿施的子亞瑪謝猶活十五年。
14:18 亞瑪謝其餘的事豈無攏記佇猶大列王的記錄嗎?
14:19 耶路撒冷有人結黨欲害亞瑪謝,伊就走到拉吉差人趇伊到拉吉,刣死伊佇遐。
14:20 人就用馬載伊到耶路撒冷,及伊的列祖葬佇大衛的城。
14:21 猶大眾百姓設立亞撒利雅續接伊的老父亞瑪謝做王,彼時伊十六歲。
14:22 亞瑪謝王及伊的列祖同睏了後,亞撒利雅以拉他,互伊猶原歸猶大國管轄。
14:23 猶大約阿施的子亞瑪謝十五年,以色列約阿施的子耶羅波安撒瑪利亞坐位,共做王四十一年。
14:24 伊行耶和華看做歹的事,無離開尼八的子耶羅波安以色列犯罪的。
14:25 伊恢復以色列交界的地,對哈馬口亞拉巴海,照耶和華──以色列的上帝託伊的奴僕迦特希弗亞米太的子先知約拿所講的話。
14:26 因為耶和華看見以色列人真艱苦,無論受拘束的、自由的攏無啦,也無人幫助以色列
14:27 耶和華未曾講欲擦消以色列的名佇天下,就託約阿施的子耶羅波安的手來救
14:28 耶羅波安其餘的事,見伊所行的及伊的能力,伊怎樣交戰,怎樣復倒大馬色哈馬就是前屬猶大的互閣歸以色列,豈無攏記佇以色列諸個王的記錄嗎?
14:29 耶羅波安及伊的列祖以色列諸個王同睏。伊的子撒迦利雅續接伊做王。


回聖經目錄