列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

16:1 利瑪利的子比加十七年,猶大約坦的子亞哈斯坐位。
16:2 亞哈斯坐位的時二十歲,佇耶路撒冷做王十六年;無親像伊的祖大衛行耶和華──伊的上帝所看做好的事,
16:3 就是行以色列諸個王的路,閣互伊的子經過火,照耶和華對以色列人的面前趕出外邦人所行可惡的事,
16:4 閣佇山頭壇、佇山的頂面、佇逐欉青翠的樹腳獻祭燒香。
16:5 彼時亞蘭利汛以色列利瑪利的子比加上來攻擊耶路撒冷,圍困亞哈斯,總是贏伊。
16:6 當時亞蘭利汛收回以拉他互亞蘭,就趕猶大人出以拉他亞蘭人就來以拉他,徛起遐,到今仔日。
16:7

亞哈斯差使者去見亞述提革拉毗列色,講:「我是你的奴僕、你的子。今亞蘭王及以色列王攻擊我,求你上來救我脫離的手。」

16:8 亞哈斯將耶和華殿內及王宮府庫所有的金銀做禮物送互亞述王。
16:9 亞述王聽伊,亞述王就上去攻擊大馬色,取伊,掠伊的百姓到吉珥,刣死利汛
16:10 亞哈斯王去大馬色欲迎接亞述提革拉毗列色,佇大馬色看見一座壇,亞哈斯王將彼個壇的款式、規模、制度,寄互祭司烏利亞
16:11 祭司烏利亞就起一座壇,照亞哈斯王對大馬色所寄來一切的圖,照按呢祭司烏利亞造伊,聽候亞哈斯王對大馬色來。
16:12 王對大馬色倒來,王看見壇,王近倚壇,獻祭佇彼頂面;
16:13 燒伊的燒祭,及素祭,閣灌奠,將謝恩祭的血灑佇壇裡,
16:14 閣將耶和華頭前的銅壇對殿的頭前,就是對伊的壇及耶和華殿的中間徙來下佇伊的壇的北勢。
16:15

亞哈斯王命令祭司烏利亞講:「早起時的燒祭、下昏時的素祭,王的燒祭、素祭,國內眾百姓的燒祭、素祭,及灌奠,攏著燒佇大壇的頂面。燒祭及祭祀的血也著灑佇此個壇頂,總是銅壇我欲做問的路用。」

16:16 祭司烏利亞就照亞哈斯王所命令的去行。
16:17 亞哈斯王剉斷許個座的墘,將盆對許個座徙落來,閣將銅海對載海的銅牛頂搬落來,下佇舖灰石的所在;
16:18 閣因為亞述王的緣故,將殿內為著安息日所起的廊及王對外面入來的廊,對耶和華的殿移徙(î-sóa)。
16:19 亞哈斯其餘所行的事豈無攏記佇猶大列王的記錄嗎?
16:20 亞哈斯及伊的列祖同睏,及伊的列祖葬佇大衛的城。伊的子希西家續接伊做王。


回聖經目錄