列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

22:1 約西亞坐位的時八歲,佇耶路撒冷做王共三十一年。伊的老母名叫耶底大,是波斯加亞大雅的查某子。
22:2 伊行耶和華所看做好的事,行伊的祖大衛一切的路,無偏左右。
22:3 約西亞十八年,王差米書蘭的孫、亞薩利的子──書記沙番到耶和華的殿,吩咐伊講:
22:4 「你上去見祭司頭希勒家,教伊算許個帶入耶和華殿的銀,就是管門者對百姓所收的,
22:5 交互做工人,就是管理耶和華殿的,互轉交耶和華殿內做工的人,通修理殿破壞的所在,
22:6 就是轉交木匠,起造的,及土匠,閣買柴料,及過拍的石,來修理殿,
22:7 總是交過的手的銀,無及算,因為做代誌誠實。」
22:8 祭司頭希勒家給書記沙番講:「我佇耶和華殿內偶然得著律法的冊。」希勒家將冊交互沙番沙番就讀伊。
22:9 書記沙番到王遐,回覆王講:「你的奴僕已經將所得著佇殿內的銀傾出來,交互辦理耶和華殿的做工人。」
22:10 書記沙番閣給王講:「祭司希勒家有提一本冊互我。」沙番就佇王的面前讀伊。
22:11 王聽見律法冊的話,就拆裂伊的衫,
22:12 王吩咐祭司希勒家沙番的子亞希甘米該亞之子亞革波、書記沙番及王的近臣亞撒雅,講:
22:13 「恁去為我、為百姓、為猶大眾人,將所拾著此本冊的話問耶和華;因為耶和華大受氣咱,是因為咱的列祖無聽趁此個冊的話,無照一切所記載論咱的來行。」
22:14 對按呢,祭司希勒家亞希甘亞革波沙番亞撒雅攏去見女先知戶勒大。伊是哈珥哈斯的孫、特瓦的子;管理禮服彼個沙龍的某。伊踮佇耶路撒冷第二區。及伊講。
22:15 伊給講:「耶和華──以色列的上帝按呢講:『恁去回覆彼個差恁來見我的人講,
22:16 耶和華按呢講:看啊我欲降災禍佇此所在及佇遮徛起的百姓,就是猶大王所讀彼本冊的話。
22:17

因為棄拺我,燒香佇別個上帝,用的手所做的激我的受氣,所以我受氣此所在,親像火無息,』

22:18 總是,差恁來問耶和華的猶大王,恁著按呢給伊講:『耶和華──以色列的上帝按呢講:論到你所聽見的話,
22:19 就是聽見我攻擊此所在及徛起佇遮的百姓所講、欲互伊拋荒受咒詛,你的心就軟,你家己謙卑佇耶和華的面前,閣拆裂你的衫,佇我的面前啼哭,我也有聽見,這是耶和華講的。
22:20 所以我欲互你歸你的列祖,你欲平安歸墓;我所欲降落佇此所在一切的災禍,你的目睭的確看見。』」就倒轉去回覆王。


回聖經目錄