列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

24:1 約雅敬的年間,巴比倫尼布甲尼撒上來;約雅敬服事伊三年,後來反轉背逆伊。
24:2 耶和華差迦勒底的軍隊、亞蘭的軍隊、摩押的軍隊,及亞捫的軍隊來攻擊伊,閣差攻擊猶大欲滅伊,照耶和華託伊的奴僕諸個先知所講的。
24:3 此個事臨到猶大,實在是對耶和華的命令欲遷徙伊,離開伊的面前,這攏是因為瑪拿西的罪照伊一切所行的;
24:4 也為著伊留無罪的人的血,因為伊用無罪的人的血充滿耶路撒冷;此個罪耶和華呣肯赦免。
24:5 約雅敬其餘的事,見伊所行的豈無攏記佇猶大列王的記錄嗎?
24:6 約雅敬及伊的列祖同睏。伊的子約雅斤續接伊做王。
24:7 埃及王無閣對伊的地出來;因為巴比倫有王取見屬埃及王的地,對埃及小河到伯拉河
24:8 約雅斤坐位的時十八歲,佇耶路撒冷做王三月日。伊的老母名叫尼護施她,是耶路撒冷以利拿單的查某子。
24:9 約雅斤行耶和華所看做歹的事,照伊的老父一切所行。
24:10 彼時,巴比倫尼布甲尼撒的人臣上來耶路撒冷,圍困彼個城。
24:11 當伊的人臣圍困城的時,巴比倫尼布甲尼撒就來。
24:12 猶大約雅斤出城到巴比倫王遐,伊及伊的老母、及伊的人臣、首領、太監攏去,巴比倫王掠伊。佇伊做王第八年。
24:13 閣將耶和華殿內的寶物及王宮的寶物攏對遐提去,將以色列王所羅門所造耶和華殿內的金器攏拍破,照耶和華所講的話;
24:14 閣將耶路撒冷的眾百姓及眾首領,以及所有大權能的勇士,共一萬人,連一切的工匠、鐵匠攏掠去;除國內極喪鄉的人以外,無剩一個;
24:15 也帶約雅斤巴比倫、及太后、后妃、太監及國內的大官,攏掠伊對耶路撒冷巴比倫
24:16 閣將一切的勇士七千人及工匠、鐵匠一千人,攏是勇壯會上陣的,巴比倫王攏掠伊到巴比倫
24:17 巴比倫王設立約雅斤的叔瑪探雅做王續接伊,換伊的名叫西底家
24:18 西底家坐位的時二十一歲,佇耶路撒冷做王十一年。伊的老母名哈慕她,是立拿耶利米的查某子。
24:19 伊行耶和華所看做歹的事,照約雅敬一切所行的。
24:20 耶路撒冷猶大抵著諸個事,是因為耶和華發出受氣欲對伊的面前趕出


回聖經目錄