列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

3:1 猶大約沙法十八年,亞哈的子耶和南佇撒瑪利亞坐位做以色列王共十二年。
3:2 伊行耶和華所看做歹的事,總是無親像伊的老父伊的老母所做的,因為老父所創巴力的柱像,伊有除去。
3:3 總是,伊擒住尼八的子耶羅波安互以色列犯罪彼號罪,攏無離開。
3:4 摩押米沙飼多多羊,年年用十萬隻羊仔的毛,十萬隻綿羊牨的毛進貢以色列王
3:5 亞哈死了,摩押王背叛以色列王。
3:6 彼時耶和南王出撒瑪利亞,點算以色列眾人。
3:7 起身的時,差人去見猶大約沙法,講:「摩押王背叛我,你肯及我去攻擊摩押嗎?」伊講:「我欲上去,我親像你,我的百姓親像你的百姓,我的馬親像你的馬。」
3:8 伊講:「咱欲對叨落一條路上去啊?」伊講:「對以東曠野的路。」
3:9 以色列王及猶大王,及以東王就去,行踅(kiâⁿ-se̍h)七日的路站;軍隊及隨的精牲無水通飲。
3:10 以色列王講:「慘啊!耶和華聚集此三個王,欲將交佇摩押人的手。」
3:11 約沙法講:「佇遮豈無耶和華的先知,咱通託伊來問耶和華嗎?」以色列王一個奴僕應講:「前傾水佇以利亞的手者,沙法的子以利沙佇遮。」
3:12 約沙法講:「伊有耶和華的話。」以色列王及約沙法,及以東王就落去見伊。
3:13 以利沙以色列王講:「我及你甚麼干涉?通去尋你的老父的先知,及你的老母的先知。」以色列王給伊講:「呣是按呢,耶和華聚集此三個王,欲交佇摩押人的手。」
3:14 以利沙講:「我指永活萬軍的耶和華,就是我徛佇伊的面前的來講,我若呣是看猶大約沙法的面,就呣看你,呣插你。
3:15 今著給我叫一個樂師來遮。」樂師彈的時,耶和華的手就到以利沙
3:16 伊就講:「耶和華按呢講:『此個山谷恁著遍遍開溝;
3:17  因為耶和華按呢講:恁欲無看見風,無看見雨,猶久此個山谷水欲滿滿,互恁通飲就是恁及恁的精牲恁的獸飲伊。』
3:18 在耶和華猶看此個做小可,伊也欲用摩押人交佇恁的手。
3:19 恁欲攻破逐個堅固的城及逐個媠的城,剉逐欉好的樹,塞住攏總的水泉,用石頭拍歹攏總好的田。」
3:20 隔早起,獻祭的時,看啊,有水對以東的路來,遍地就有水滿滿。
3:21 摩押眾人聽見此三個王上來欲及in交戰,就聚集見若會攑家私的以上,攏徛佇邊界。
3:22 隔早起,in到以色列人的營,以色列人就起來攻擊摩押人,互in走佇in的面前。以色列人入境界,拍死摩押人,早早起來,日照佇水裡,摩押人看對面的水紅親像血,
3:23 就講:「這就是血啊!許個王的確攏死,是相攻擊。摩押啊,著來去搶伊啦!」
3:24 以色列人的營,以色列人就起來攻擊摩押人,互走佇的面前。以色列人入境界,拍死摩押人,
3:25 的城,逐人石填滿攏總好的地,塞住攏總的水泉,剉逐欉好的樹,只有剩吉珥哈列設的石牆;甩石者四圍攻擊伊。
3:26 摩押王看見交戰的勢面抵敵住,就帶攑刀者七百,欲衝過陣到以東王遐,總是會;
3:27 就取應該續接伊的位的大子,佇城頂獻伊做燒祭。有大痛恨到佇以色列就離開伊,倒去本國。


回聖經目錄