列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

4:1 有一個婦仁人是先知的學生的某,叫以利沙講:「你的奴僕──我的丈夫已經死,你的奴僕平素敬畏耶和華,是你所知的。今債主來欲取我二個子做奴僕。」
4:2 以利沙問伊講:「我通給你做甚麼?你給我講,你厝內有甚麼?」伊講:「你的女婢厝內剩一瓶油,以外攏無。」
4:3 以利沙講:「你去啊,佇外面對你許個厝邊借器具,就是空的器具,呣通借少少;
4:4 著入厝,關門,你及你的子踮內面斟油(thîn-iûⁿ)佇所有的器具,斟滿的著另外下。」
4:5 婦仁人離開伊去,關門,伊及伊的子踮內面;子帶器具來互伊,伊就斟油(thîn-iûⁿ)。
4:6 許個器具攏滿,伊給伊的子講:「閣提器具來互我。」子講:「無閣有器具啦。」油就止。
4:7 婦仁人去給上帝的奴僕講,伊講:「你去賣油來還債,所剩的你及你的子通度活(tō͘-oa̍h)。」
4:8 有一日,以利沙行到書念,佇遐有一個好額的婦仁人強強留伊踮啲食。後來,以利沙逐擺對遐經過就入去食。
4:9 婦仁人對伊的丈夫講:「你看,彼個常常對咱遮經過者,我看伊是上帝聖的奴僕。
4:10 求你允,咱通佇牆頂起一間細間房,佇遐給伊安置眠床、桌、椅、燈台,互伊來咱遮,通入去歇。」
4:11 有一日,以利沙來到遐,就入去彼間房睏。
4:12 以利沙給伊的奴僕基哈西講:「你叫此個書念的婦仁人來。」伊就叫伊來,婦仁人徛佇伊的面前。
4:13 伊給伊的奴僕講:「你通給伊講:看啊,你為阮費多多心思,今著給你做甚麼?你愛我替你給王抑是軍長講啊?」伊應講:「我徛起佇我的百姓的中間。」
4:14 以利沙講:「按呢著為伊怎樣做呢?」基哈西講:「伊無子,伊的丈夫也老啦。」
4:15 伊閣講:「叫伊來。」就叫伊來。婦仁人就徛佇門口。
4:16 伊講:「明年到此時,你欲抱一個子。」伊講:「無啦,上帝的奴僕,我的主啊,呣通騙你的女婢。」
4:17 婦仁人果然懷孕,到明年彼時生一個子,照以利沙所講的。
4:18 囝仔大漢,有一日出去到伊的老父到收割的人遐,
4:19 伊給老父講:「我的頭殼啊,我的頭殼啊!」伊的老父給奴僕講:「抱伊到伊的老母遐。」
4:20 伊抱伊到伊的老母遐;囝仔坐佇老母的腳頭窩,到中晝(tiong-tàu)就死。
4:21 老母上去樓頂,將伊的子下佇上帝的奴僕的眠床,關門出來,
4:22 叫伊的丈夫講:「請差一個奴僕牽一隻驢來我遮,我欲跑去上帝的奴僕遐,才倒來。」
4:23 丈夫講:「今仔日呣是月的初一,也呣是安息,你啥事欲去伊遐?」婦仁人講:「平安。」
4:24 就備辦驢,給奴僕講:「你趕驢進前去,我若無給你講,就呣通卡慢。」
4:25 婦仁人就去迦密山,去上帝的奴僕遐。上帝的奴僕遠遠看見伊,給伊的奴僕基哈西講:「看啊,書念的婦仁人來啊!
4:26 你走去迎接伊,問伊講:你平安嗎?你的丈夫平安嗎?囝仔平安嗎?」伊講:「平安。」
4:27 婦仁人到彼個山,到上帝的奴僕遐,就抱伊的腳。基哈西進前欲給伊捙開,上帝的奴僕講:「據在伊,因為伊心內痛苦,耶和華對我隱囥,無給我講。」
4:28 婦仁人講:「我豈曾對我的主求子嗎?我豈無講,呣通騙我嗎?」
4:29 伊給基哈西講:「你縖腰手攑我枴進前去;若抵著人,莫得給in請安,人若請安你,也莫得應伊;著用我的枴仔下佇囝仔的面。」
4:30 囝仔的老母講:「我指永活的耶和華及你的活命來講,我的確呣離開你。」以利沙就起來,隨伊去。
4:31 基哈西頭前去,用枴仔下佇囝仔的面,總是無聲說,也呣知人。基哈西倒轉抵著伊,給伊講:「囝仔無醒。」
4:32 以利沙到地,入厝,看見囝仔已經死,下佇伊的眠床。
4:33 伊入去就關門,只有二個佇內面,伊就祈禱耶和華。
4:34 上去仆佇囝仔的身軀,嘴對嘴,目睭對目睭,手對手;歸身俯佇囝仔的身軀,囝仔的肉就漸漸燒烙(sio-lō)。
4:35 伊落來,佇厝內行來行去一擺,閣上去歸身俯佇囝仔(gín-ná),囝仔拍加嚏七(phah-ka-chhiùⁿ)擺,目睭就展開。
4:36 以利沙基哈西講:「你叫此個書念的婦仁人來」;伊就叫伊,伊入來伊遐。以利沙講:「抱你的囝仔起來。」
4:37 婦仁人就入來,俯佇伊的腳前仆佇地裡,抱伊的子出去。
4:38 以利沙閣來到吉甲,彼時國內飢荒。先知的學生坐佇伊的面前,伊吩咐奴僕講:「你將大鼎下佇火裡,給先知的學生煮菜湯。」
4:39 有一人去田裡挽(bán)菜,抵著一欉(châng 野藤(iá-tîn),就挽伊的瓜(koe)滿帕(móa-phè)倒來,切伊,橐(lok)佇煮菜湯的鼎(tiáⁿ),因為呣識是甚麼物。
4:40 傾出來互食;食菜湯的時,攏叫講:「上帝的奴僕啊,鼎內有死的毒!」攏食得。
4:41 以利沙講:「提淡薄麵粉來」,就將麵粉摻佇鼎裡,講:「傾出來互食!」鼎內就無害。
4:42 有一人對巴力沙利沙來,帶起頭熟的麥所做的餅及大麥餅二十個,及新的穗,貯(tóe)佇袋裡,送互上帝的奴僕。伊就講:「將諸個互百姓食。」
4:43 伊的差用講:「怎樣,我豈通排諸個佇一百人的面前嗎?」伊講:「做你互百姓食!因為耶和華按呢講,in欲食伊,猶有剩。」
4:44 伊就排佇的面前,食伊,也有剩,照耶和華所講。


回聖經目錄