列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

6:1 先知的學生給以利沙講:「看啊,阮及你所住的所在甚狹(siuⁿ-oe̍h),
6:2 求你准阮去約但,逐人對遐取一支柴料互阮佇遐起一所在通徛。」伊講:「恁通去啊!」
6:3 有一個講:「莫得推,求你及奴僕去。」應講:「我欲去。」
6:4 對按呢就及去。約但,就剉(chhò)樹。
6:5 有一人剉樹的時,斧頭肉磕落佇水裡,伊就叫講:「慘啊!我的主啊,此支斧頭是借的。」
6:6 上帝的奴僕講:「磕落佇叨落?」伊就報伊看彼所在。伊就剉一支柴,佇遐,斧頭肉就浮起來。
6:7 伊講:「攑起來!」彼人就伸手攑起來。
6:8 亞蘭王及以色列交戰,及伊的人臣議論講:「我著紮營佇某所在某所在。」
6:9 上帝的奴僕差人去見以色列王,講:「你著謹慎,呣通對某所在經過,因為亞蘭人落來佇遐。」
6:10 以色列王差人到上帝的奴僕所講著持防的所在,對按呢無受害,呣若一擺二擺。
6:11 亞蘭王因為此個事心內真迫腹,召伊的人臣來,給in講:「咱中間是誰為以色列王,恁無來給我講嗎?」
6:12 有一個人臣講:「我的主,我的王啊!呣是按呢,就是以色列中的先知以利沙,將你佇睏房所講的話給以色列王講。」
6:13 王講:「恁去探看伊佇叨落,我通差人去掠伊。」有人給王講:「看啊,伊佇多坍(to-tan)。」
6:14 王就差馬車及大隊兵去遐,透暝到,圍困彼個城。
6:15 上帝的奴僕的差用清早起來出去,看見有軍兵,馬及車圍困城。差用給伊講:「慘啊!我的主啊,咱欲怎樣?」
6:16 上帝的奴僕講:「呣免驚!因為及咱佇啲的比及佇啲的閣卡多。」
6:17 以利沙祈禱講:「耶和華啊,求你開伊的目睭,互伊會看見。」耶和華就開少年人的目睭,伊就看見,看啊!遍山火馬火車圍以利沙
6:18 落去到伊遐,以利沙祈禱講:「耶和華啊,求你拍諸個百姓,互睛暝。」伊就拍互睛暝,照以利沙的話。
6:19 以利沙講:「此個呣是彼個路,此個也呣是彼個城;恁隨我,我欲導恁到恁所尋的人遐。」就導撒瑪利亞
6:20 撒瑪利亞以利沙講:「耶和華啊,求你開諸個人的目睭,互看見。」耶和華開的目睭,就看見,無拍算,是佇撒瑪利亞的城內。
6:21 以色列王看見,就問以利沙講:「我的父啊,我著拍伊嗎?著拍伊嗎?」
6:22 應講:「呣通拍!你用刀用弓所掠來的,豈通拍伊嗎?著下餅及水佇的面前,互飲食,倒去的主人遐。
6:23 王替備辦多多食物!飲食明白,就教去!就倒去的主人遐。對按呢,亞蘭的軍兵無閣侵犯以色列的境界。
6:24 後來,亞蘭便哈達聚集伊的全軍,上來圍困撒瑪利亞
6:25 撒瑪利亞大飢荒,圍困城,致到一個驢頭值銀八十舍客勒,鴿糞(kap-pùn)一搕(khap)的四份一值銀五舍客勒。
6:26 以色列王對城牆經過的時,有一個婦仁人對伊求叫講:「我的主,我的王啊!幫助我。」
6:27 王講:「耶和華無幫助你,我欲對叨落幫助你?是對五穀場,抑是對酒窟啊?」
6:28 王閣講:「你有甚麼艱苦?」伊應講:「此個婦仁人對我講:『交出你的子,咱今仔日通食伊,明仔日咱食我的子。』
6:29 阮就煮我的子食伊。隔日我對伊講,『交出你的子,咱通食伊,』總是伊囥密(khǹg-ba̍t)伊的子。」
6:30 王聽見婦仁人的話,就拆裂衫;(佇城牆頂經過)百姓看見伊,看見伊身底衫是粗麻布。
6:31 王講:「沙法的子以利沙的頭殼今仔日若猶原連佇伊的身軀,願上帝加倍責罰我!」
6:32 彼時以利沙坐佇厝內,長老也及伊啲坐。王差一人做頭去;使者猶未到伊遐,以利沙給長老講:「恁看此個兇首的子,怎樣差人取我的頭殼;恁看使者若來,就著關門,阻止伊佇門外。佇伊的後面豈無伊的主人的腳步聲?」
6:33 伊猶及講話的時,看啊,使者落去伊遐,講:「看啊,此個災禍對耶和華,我啥事著閣聽候耶和華啊?」


回聖經目錄