列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

8:1 有一個婦仁人以利沙曾互伊的子復活的,也曾給伊講:「起來你及你的全家去住你所通住的所在,因為耶和華命令飢荒臨到,欲佇此個所在七年久。」
8:2 婦仁人就起來,照上帝的奴僕的話去行,伊及伊的家去非利士人的地,住七年久。
8:3 七年滿,彼個婦仁人對非利士地倒來,就出去欲為家己的厝宅田園求叫王。
8:4 彼時王及上帝的奴僕的差用基哈西講話講:「請你將以利沙所行一切的大事給我講。」
8:5 基哈西給王講以利沙怎樣互死的人復活,湊巧彼個婦仁人就是伊互伊的子復活的,為著伊的厝宅田園來求叫王。基哈西講:「我的主我的王,此個是彼個婦仁人,此個是伊的子,就是以利沙互伊復活的。」
8:6 王問彼個婦仁人,伊就給伊講。王就為著伊派一個官員,講:「見若屬此個婦仁人的攏著還伊,對伊離開本所在到今仔日,伊的田園所出產的也攏著還伊。」
8:7 以利沙來到大馬色亞蘭便哈達啲破病。有人給王講:「上帝的奴僕來到遮。」
8:8

王就給哈設講:「你帶禮物去見上帝的奴僕,拜託伊問耶和華,看我此個病會活抑?」

8:9 哈設就去見伊,用四十隻駱駝載大馬色逐號的好物做禮物,去徛佇伊的面前,講:「你的子亞蘭便哈達差我來你遮,講:『我此個病會活抑?』」
8:10 以利沙給伊講:「你去回覆伊講,你的確會活;總是耶和華指示我,伊的確欲死。」
8:11 以利沙注目看伊,致到伊見誚。上帝的奴僕就流目屎;
8:12 哈設講:「我的主啥事留目屎?」應講:「因為我知你所欲苦楚(khó͘-chhó͘)以色列人的,用火燒險要的所在,用刀刣死\的壯丁,摔死的嬰仔,破開有娠孕的婦仁人。」
8:13 哈設講:「你的奴僕是甚麼,不過是一隻狗,豈可會行此個大事啊?」以利沙應講:「耶和華指示我,你欲做亞蘭王。」
8:14 伊離開以利沙,倒去伊的主人遐。主人問伊講:「以利沙給你講甚麼?」應講:「伊給我講你的確會活。」
8:15 隔日伊提厚的布搵(ùn)水,蓋王的面,王就死。哈設就替伊做王。
8:16 以色列王亞哈的子約蘭第五年,約沙法做猶大王的時,猶大約沙法的子耶和南起頭坐位。
8:17 耶和南坐位的時三十二歲,佇耶路撒冷做王歷過八年。
8:18 伊行以色列王的路,及亞哈的家無各樣;因為伊娶亞哈的查某子做某,行耶和華所看做歹的事。
8:19 總是耶和華因為伊的奴僕大衛的緣故,呣甘滅猶大,照伊所應允大衛的話,永遠賞賜一葩(pha)燈互伊的子孫。
8:20 約蘭的年間,以東背叛猶大,脫離伊的手頭,家己設立王。
8:21 約蘭帶所有的戰車過去撒益,透暝起來,拍圍困伊的以東人及許個車長;百姓就逃走,逐個倒去伊的布棚。
8:22 按呢,以東人背叛猶大,脫離伊的手頭,到今仔日。像彼時立拿人也背叛。
8:23 約蘭其餘的事,見伊所行的,豈無攏記佇猶大列王的記錄嗎?
8:24 約蘭及伊的列祖同睏,佇大衛城及伊的祖同埋葬。伊的子亞哈謝續接伊做王。
8:25 以色列亞哈的子約蘭十二年,猶大耶和南的子亞哈謝起頭坐位。
8:26 亞哈謝坐位的時二十二歲,佇耶路撒冷做王一年,伊的老母名叫亞她利雅,是以色列王暗利的查某孫。
8:27 伊行亞哈的家的路行耶和華所看做歹的事,及亞哈的家無各樣,因為伊是亞哈的家的子婿。
8:28 伊及亞哈的子約蘭,相及去基列拉末,及亞蘭哈設交戰。亞蘭人拍傷約蘭
8:29 約蘭王倒去耶斯列,欲醫治伊的傷,就是伊佇拉末亞蘭哈設交戰的時,亞蘭人拍著伊的。猶大耶和南的子亞哈謝落去耶斯列欲覓亞哈的子約蘭,因為伊有破病。