列 王 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

9:1 先知以利沙叫先知的學生一個,給伊講:「你縖腰,提一瓶油去基列的拉末
9:2 到遐,著尋寧示的孫、約沙法的子耶戶,入去,互伊對伊的兄弟中起來,導伊入內房,
9:3 將瓶內的油斟佇伊的頭殼,講:『耶和華按呢講:我用油抹你做以色列的王。』你就著開門逃走,呣通延延(iân-chhiân.)。」
9:4 此個少年人就是少年的先知去基列拉末
9:5 到遐,看見眾軍長啲坐,伊就講:「軍長啊,我有代誌欲給你講。」耶戶講:「欲給阮中間甚麼人講?」應講:「軍長啊,就是你。」
9:6 伊就起來,入去厝內,少年人用油斟佇伊的頭殼,給伊講:「耶和華──以色列的上帝按呢講:『我用油抹你做耶和華的百姓以色列的王。
9:7 你著拍滅你的主人亞哈的家,互我通報應我的奴僕諸個先知的血,以及耶和華眾奴僕的血,就是佇耶洗別的手所做的。
9:8 因為亞哈全家欲攏滅無,我欲剪除屬亞哈的查甫丁,無論受拘束的抑是自由的,佇以色列中,
9:9 我欲互亞哈的家親像尼八的子耶羅波安的家,也親像亞希雅的子巴沙的家。
9:10 耶斯列的園,狗欲食耶洗別,無人埋葬伊。』」少年人就開門逃走。
9:11 耶戶出去,到伊的主人的奴僕遐,有一人問伊講:「攏平安無?此個狗者來尋你甚麼代誌啊?」伊給講:「恁識彼個人,也知伊所講的。」
9:12 講:「無影,你著給阮講。」應講:「伊按呢按呢給我講。伊講:『耶和華按呢講:我用油抹你做以色列的王。』」
9:13 趕緊逐人用家己的衫舖佇崎仔的頂層,下佇耶戶的下面;歕哨角講:「耶戶做王啦!」
9:14 按呢,寧示的孫、約沙法的子耶戶背叛約蘭約蘭以色列眾人曾把守基列拉末,因為亞蘭哈設的緣故;
9:15 總是約蘭王倒去耶斯列,醫治伊的傷,就是伊佇及亞蘭哈設交戰的時,亞蘭人拍著伊的。耶戶講:「恁的意思若是按呢,就呣通容允人走出城去耶斯列報消息。」
9:16 耶戶就坐車去耶斯列,因為約蘭倒佇遐。猶大亞哈謝已經落去覓約蘭
9:17 有一個守望者徛佇耶斯列的樓頂,看見耶戶的軍隊來,就講:「我看見一陣軍隊。」約蘭講:「差一個騎馬者去接伊,續問伊講:平安嗎?」
9:18 騎馬者去接伊,講:「王按呢講,是平安嗎?」耶戶講:「平安抑無及你甚麼干涉?你越來隨我的後面!」守望者閣講:「使者到遐,總是無倒轉來。」
9:19 王閣差一個騎馬者去。伊到遐,講:「王按呢講,是平安嗎?」耶戶講:「平安抑無及你甚麼干涉?你越來隨我的後面!」
9:20 守望者閣講:「伊到遐,也無倒轉來;趕車的款親像寧示的孫耶戶啲趕,因為伊趕真狂(kông)。」
9:21 約蘭講:「套車!」就套伊的車。以色列約蘭猶大亞哈謝出去逐個坐家己的車出去接耶戶,佇耶斯列拿伯的園抵著伊。
9:22 約蘭見著耶戶就講:「耶戶啊,是平安嗎?」伊應講:「你的老母耶洗別的淫行邪術許多猶佇啲,豈會平安?」
9:23 約蘭就越轉伊的車走,給亞哈謝講:「亞哈謝啊,有謀反(bô͘-hoán)啦!」
9:24 耶戶盡力開弓,射著約蘭的飯匙骨中,箭對伊的心出去。伊就慄(lek)落車內。
9:25 耶戶給伊的軍長畢甲講:「你將伊耶斯列拿伯的園裡。你著記得,你我相及坐車隨伊的老父亞哈>的時,耶和華對伊所讖語的,
9:26 耶和華講:『我昨日有看見拿伯的血及伊的子的血』,耶和華閣講:『佇此區園我欲報應你。』今著將伊佇彼區園,照耶和華所講的。」
9:27 猶大亞哈謝看見按呢,就對園的厝的路逃走。耶戶趇伊,講:「也著拍死伊佇車內。」到倚近以伯蓮姑珥的山坪拍傷伊。伊走到米吉多,就死佇遐。
9:28 伊的奴僕用車載伊到耶路撒冷,葬佇伊的墓及伊的列祖,佇大衛的城。
9:29 亞哈的子約蘭十一年,亞哈謝起頭做猶大王。
9:30 耶戶耶斯列耶洗別聽見就畫目眉、梳頭,俯佇窗仔啲看。
9:31 耶戶入門的時,耶洗別講:「刣死主人的心利啊,平安嗎?」
9:32 耶戶攑頭向窗仔看,講:「是誰為我,是誰啊?」有二三個太監俯落看伊。
9:33 耶戶講:「給伊捙落來!」就捙伊落來。伊的血濺著牆壁及馬;就用腳踏伊。
9:34 耶戶入去,也食也飲,講:「恁去看彼個受咒詛的婦仁人續埋葬伊,因為伊是王的查某子。」
9:35 去欲葬伊,干單尋著伊的頭殼骨及腳,及手掌若定。
9:36 倒來回覆伊,耶戶就講:「這就是耶和華託伊的奴僕提斯比以利亞所講的話,講:『佇耶斯列的園,狗欲食耶洗別的肉;
9:37 耶洗別的身屍欲佇耶斯列的園親像糞佇土面,致到人無欲講這是耶洗別。』」