撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

1:1 掃羅死了,也大衛刣死亞瑪力人倒來的時,大衛住佇洗革拉二日。
1:2 到第三日,看啊,有一人對營盤對掃羅遐來,衣裳(i-chiûⁿ)拆裂(thiah-li̍h),頭殼摻土粉,到大衛遐就仆佇地裡拜伊。
1:3 大衛問伊講:「你對叨落來?」伊應講:「我對以色列的軍營走來。」
1:4 大衛閣問伊講:「代誌怎樣?請你給我講。」伊應講:「百姓對戰陣逃走,百姓多多倒啲死去;掃羅及伊的子約拿單也死。」
1:5 大衛給對伊講的少年人講:「你怎樣知掃羅及伊的子約拿單死啊?」
1:6 給伊講的少年人講:「我偶然到基利波山,看見掃羅倚佇伊的槍,有戰車、馬兵趇倚(jip-óa)伊。
1:7 伊越頭看我,就叫我。我應講:『我佇遮。』
1:8 伊問我講:『你是甚麼人?』我應講:『我是亞瑪力人。』
1:9 伊閣給我講:『請你近倚我,來刣死我;因為我真痛苦,我的生命猶(iáu)好好。』
1:10 我就近倚伊,來刣死伊,因為我知伊倒落去了的確活,我就提伊頭殼裡的冕旒、及伊的手環帶到我的主遮。」
1:11 大衛就拆裂衫,跟隨伊的人也是按呢,
1:12 為著掃羅及伊的子約拿單,及耶和華的百姓及以色列家,悲哀啼哭,禁食到日暗,因為倒佇刀下。
1:13 大衛給對伊講的少年人講:「你對叨落來?」應講:「我是出外人的子亞瑪力人。」
1:14 大衛對伊講:「你伸手刣死耶和華所抹油者,怎樣無驚啊?」
1:15 大衛叫一個少年人,講:「你近倚去刣死伊。」伊就去拍互伊死。
1:16 大衛給伊講:「你的血歸佇你的頭殼,因為你的嘴家己干證你講:『我刣死耶和華所抹油者。』」
1:17 衛做哀歌(ai-ko),追悼(tui-tō)掃羅及伊的子約拿單
1:18  閣講將此個哀歌教示猶大人。此個哀歌名叫「弓歌(Keng-ko)」,寫佇雅煞珥的冊。
1:19 歌講:以色列啊,你的榮顯者受刣佇山頭!嗐啊,英雄的死到按呢啊!
1:20 莫得佇迦特報告;莫得佇亞實基倫的街路報揚;驚了非利士的查某囝仔歡喜;驚了無受割禮的人的查某囝仔大悅(tāi-ia̍t)。
1:21 基利波山啊,願無露水無雨!佇你遐也無出禮物的田!因為佇遐勇士的盾牌受擲;掃羅的盾牌親像無受抹油的。
1:22 對受刣者的血,對勇士的油,約拿單的弓無倒退;掃羅的刀無空空倒轉。
1:23 掃羅約拿單──活的時通疼,通歡喜的,死的時也無分離──比鷹鳥卡緊,比獅卡強(kiông)。
1:24 以色列的查某子啊,著為著掃羅啼哭!伊曾互恁穿朱紅色(chu-âng-sek)來歡喜,互恁的衣服(i-ho̍k)有黃金的妝飾(chng-thāⁿ)。
1:25 勇士怎樣倒佇戰陣(chiàn-tīn)!約拿單受刣佇你的山頭。
1:26 我的兄約拿單啊,我為你傷心!我盡在歡喜你!你的疼我,真奇妙,贏過婦仁人的疼。
1:27 勇士死到按呢!戰器毀滅到按呢!