撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

10:1 此霎以後,亞捫人的王死,伊的子哈嫩續接伊做王。
10:2 大衛講:「我欲施恩互拿轄的子哈嫩親像伊的老父施恩互我一樣。」大衛就差人臣,託仗in安慰伊死老父。大衛的人臣到亞捫人的境內。
10:3 總是亞捫人的首領差人給的主哈嫩講:「大衛差人來你遮慰問你,你拍算伊是尊敬你的父嗎?大衛差伊的人臣豈呣是欲偵探此個城、詳細看來捙倒伊嗎?」
10:4 哈嫩就將大衛的人臣的嘴鬚剃一半,閣對中割斷伊的衫,到大腿頂,差倒去。
10:5 有人給大衛講,伊就差人去迎接,(因為許個人見誚到極),王講:「通踮佇耶利哥聽候嘴鬚發長才倒來。」
10:6 亞捫(A-bûn)人知大衛厭惡(iàm-ò͘ⁿ),亞捫人就差人去,倩伯利合的亞蘭人及瑣巴的亞蘭人,步兵二萬,及瑪迦王的人一千、陀伯人一萬二千。
10:7 大衛聽見,就差約押導勇士全軍。
10:8 亞捫人出來排陣(pâi-tīn)佇城門口;瑣巴及利合的亞蘭人、陀伯人,及瑪迦人,另外排陣佇郊野。
10:9 約押看見前後有對敵排陣,就對以色列精兵的中間閣再揀伊來排陣(pâi-tīn),抵敵亞蘭人。
10:10 其餘的百姓交伊的小弟亞比篩,互伊排陣抵敵亞捫人。
10:11 閣講:「若亞蘭人卡強我,你就來幫助我;若亞捫人卡強你,我就去幫助你。
10:12 著勇敢,咱著為咱的百姓及咱上帝的城做大丈夫。願耶和華照伊所看做好的來行!」
10:13 對按呢,約押及隨伊的百姓進前及亞蘭人交戰;就佇伊的面前逃走。
10:14 亞捫人看見亞蘭人逃走,也佇亞比篩的面前走入城。約押就對亞捫人遐倒去,到耶路撒冷
10:15 亞蘭人看見刣輸佇以色列人的面前,就閣聚集。
10:16 哈大底謝差人,召河外的亞蘭人出來;希蘭哈大底謝的軍長朔法
10:17 有人報大衛知,伊就聚集以色列眾人,過約但河,來到希蘭亞蘭人排陣攻擊大衛,及伊交戰。
10:18 亞蘭人逃走佇以色列的面前;大衛刣死亞蘭七百張(tiuⁿ)戰車的兵,馬兵四萬,閣拍的軍長朔法互伊死佇遐。
10:19 降服哈大底謝許個王看見in刣輸佇以色列的面前,就及以色列和好,來降服in。對按呢亞蘭人呣敢閣幫助亞捫人。


回聖經目錄