撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

12:1 耶和華差拿單去見大衛。伊到伊遐,給伊講:「佇一個城有二人:一個好額,一個喪鄉。
12:2 好額的有牛羊真多;
12:3 喪鄉人無甚麼,只有一隻羊種仔就是伊所買來飼的。伊及伊佇遐及伊的子相及長大,食伊所食的,飲伊的杯,睏佇伊的胸前,看伊親像家己的查某子。
12:4 有一個出外人到好額人遐;好額人呣甘對伊的羊群牛群取來備辦互人客食,反轉取喪鄉人的羊仔,備辦來互人客食。」
12:5 大衛大受氣彼人,給拿單講:「我指永活的耶和華來咒誓,行此個代誌的人著死!
12:6 著賠伊的羊仔四倍;因為伊行此個事,也因為伊無憐憫的心。」
12:7 拿單大衛講:「你就是彼人!耶和華──以色列的上帝按呢講:『我用油抹你做以色列的王,救你脫離掃羅的手。
12:8 我閣用你的主的厝宅互你,用你的主許個某交佇你的胸前,閣用以色列猶大家互你;諸個若猶掠做小可,我會加添此號彼號互你。
12:9 你啥事看輕耶和華的命令,行伊所看做歹的事?你用刀刣死烏利亞,就是借亞捫人的刀刣死伊,閣娶伊的某做你的某。
12:10 今刀劍欲永遠無離開你的家,因為你看輕我,娶烏利亞的某做你的某。』
12:11 耶和華閣按呢講:『看啊,我欲對你的家興起災禍攻擊你;我欲佇你的目睭前,用你許個某互你的厝邊,伊欲佇青天白日及你許個某同房。
12:12 因為你佇暗中行伊,總是我欲佇青天白日,佇以色列眾人的面前,行此個事。』
12:13 大衛拿單講:「我有得罪耶和華!」拿單大衛講:「耶和華已經除去你的罪,你致到死。
12:14 總是因為你行此個事,互耶和華的對敵有褻瀆(siat-to̍k)的因由(in-iû),所以,伊給你所生的子的確死。」
12:15 拿單就倒去厝。耶和華拍烏利亞的某給大衛所生的嬰仔(eⁿ-á),伊就破病真傷重。
12:16 大衛就為著彼個子祈禱上帝,大衛閣禁食,入內面,通暝倒佇地裡。
12:17

伊家中許個老人起來到伊的身邊,欲扶伊對地起來,總是伊呣肯,也無欲及相及食。

12:18 到第七日,囝仔死。大衛的人臣呣敢給伊講囝仔死啦,因為講:「囝仔猶活的時,咱勸伊,伊尚且呣聽咱的話,若給伊講囝仔死,伊傷心欲到怎樣?」
12:19 大衛看見伊的人臣嗤舞嗤呲啲講,大衛就知囝仔已經死,大衛就問伊的人臣講:「囝仔死啦嗎?」講:「死啦。」
12:20 大衛就對地裡起來,洗身軀,抹油,換衫,入耶和華的殿敬拜;然後倒去伊的厝,伊吩咐人排物佇伊的面前,他就食。
12:21 人臣問伊講:「你所行的是怎樣?囝仔活啲的時,你禁食啼哭;囝仔死,你反轉起來食。」
12:22 大衛講:「囝仔猶活啲,我禁食啼哭;因為我拍算講,豈採耶和華憐憫我,互囝仔活啲也敢。
12:23 囝仔已經死,我禁食欲啥事,我豈會互伊倒轉來嗎?我欲去伊遐,伊會來我遮。」
12:24 大衛安慰伊的某拔示巴(Poa̍t-sī-pa),入去及伊同房,伊就生子,就給伊號名叫所羅門(Só͘-lô-bûn)。耶和華也疼伊,
12:25 就託先知拿單給伊號名,叫耶底底亞,因為耶和華疼伊。
12:26 約押亞捫人的拉巴的京城。
12:27 約押差使者去見大衛,講:「我攻拉巴,已經取伊的水城。
12:28 今你著聚集其餘的百姓來,紮營攻此個城來取伊,驚了我取此個城,人就用我的名來叫伊。」
12:29 大衛就聚集眾百姓,去拉巴攻擊,來取伊,
12:30 伊取的王頭殼頂的冕旒,伊的金重一他連得,閣鑲寶石。將此個來戴佇大衛的頭殼。伊閣對城內取真多財物,
12:31 閣掠許個城的百姓出來,互用鋸仔(kù-á,),及鐵耙(thih-pē),以及鐵的斧頭做苦工,抑是佇瓦窯(hiā-iô)著磨;伊款待亞捫人許個城攏是按呢。大衛就及眾百姓倒去耶路撒冷