撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

14:1 洗魯雅的子約押,知王的心意向押沙龍,
14:2 就差人去提哥亞,對遐叫一個聰明的婦仁人來,給伊講:「請你假做豎(khiā)孝的,穿孝衫,莫得用油抹身軀,著妝做為著死人久久悲哀的婦仁人;
14:3 入去見王,照此個款對伊按呢講。」約押就將所著講的話教婦仁人講。
14:4 提哥亞的婦仁人對王講的時,面仆佇地裡拜,講:「王啊,救我!」
14:5 王問伊講:「你有甚麼代誌啊?」伊應講:「我實在是寡婦,我的丈夫已經死。
14:6 女婢有二個子,二個佇田裡相拍,無人佇中間排解,此個拍彼個互伊死。
14:7 今全家的人攏起來攻擊你的女婢,講:『你著將彼個拍死兄弟的交出來,阮通互伊死,賠伊拍死兄弟的生命,絕伊的後嗣。』按呢,in欲將我剩的火炭拍熄,無互我的丈夫留名留後裔(hō͘-è)佇世間。」
14:8 王給婦仁人講:「你通倒去恁兜!我欲為著你出命令。」
14:9 提哥亞的婦仁人閣給王講:「我的主我的王,願此個罪歸佇我及我的父的家,王及伊的位攏無罪。」
14:10 王講:「見若有及你加講話(ke-kóng-ōe)的,你就導伊到我遮,伊就無閣來共(kāng)你。」
14:11 婦仁人講:「願王紀念耶和華──你的上帝,呣通准報人命的行滅絕,驚了滅絕我的子。」王講:「我指永活的耶和華來咒誓:你的子連一支頭毛也磕落佇地裡。」
14:12 婦仁人講:「求你容允你的女婢對我的主我的王閣講一句話。」王講:「做你講!」
14:13 婦仁人講:「你啥事想按呢來攻擊上帝的百姓啊?王講此個話親像有罪,因為王無互伊的逃命者倒來。
14:14 因為咱攏的確著死,親像水潑佇地裡,會閣收倒轉。總是上帝無搶人的生命,是設法互逃命的人免受革逐(kek-tio̍k)、離開伊。
14:15 我來將此個話給我的主我的王講,是因為百姓互我驚惶。所以女婢講,今我欲給王講,豈採王欲成女婢的所求。
14:16 人欲將我及我的子對上帝的業做一下除滅,總是王欲聽,救伊的女婢脫離彼人的手。
14:17 女婢閣講,願我的主我的王的話來安慰;因為我的主我的王會分別是非,親像上帝的使者一樣。獨獨願耶和華──你的上帝及你佇啲!」
14:18 王應婦仁人給伊講:「我見若所欲問你的,攏呣通對我囥密。」婦仁人講:「願我的主我的王講伊。」
14:19 王講:「諸個豈呣是約押及你通套的嗎?」婦仁人講:「我的主我的王啊,我指你的活命來咒誓:我的主我的王所講的,無人會偏左抑偏右來閃避伊,因為你的奴僕約押吩咐我,用諸個話攏教你的女婢講。
14:20 你的奴僕約押做按呢,是欲互此個事勢(sū-sè)轉彎。我的主有智慧親像上帝使者的智慧,會透徹(thàu-thiat)世上一切的事。」
14:21 王給約押講:「我的確行此個事。今你著去,導彼個少年人押沙龍倒來。」
14:22 約押仆佇地裡來拜,祝謝王,約押講:「我的主我的王啊,王既然行你的奴僕所求的,今仔日你的奴僕知我有得著恩典佇你的目睭前。」
14:23 對按呢約押起身去基述,導押沙龍耶路撒冷
14:24 王講:「教伊倒去伊的厝,呣通見我的面。」押沙龍就倒去伊的厝,無見王的面。
14:25 押沙龍生做真好看,通以色列中無人親像伊得著人謳咾,對腳跡底到頭殼頂攏無瑕疵(hâ-chhû)。
14:26 伊剪頭毛的時,秤(chhìn)伊的頭毛,照王的秤(chhìn),重二百舍客勒;伊剪髮是佇逐個年尾,因為伊的頭毛真重,所以著剪伊。
14:27 押沙龍生三個子,一個查某子。查某子名叫他瑪,是一個面貌真媠的查某囝仔。
14:28 押沙龍住佇耶路撒冷滿二年,無見王的面。
14:29 押沙龍差人叫約押,欲差伊去見王,總是約押呣肯來伊遐。伊第二擺差人去叫伊,伊猶原呣來。
14:30 所以押沙龍對伊的奴僕講:「恁看,約押的園近我的園,伊有大麥佇遐,恁去放火燒伊。」押沙龍的奴僕就去放火燒伊。
14:31 約押就起來,到押沙龍的厝,問伊講:「你的奴僕啥事放火燒我的園?」
14:32

押沙龍約押講:「我差人給你講來遮,互我通差你去見王,給伊講:『我啥事對基述倒來啊?我呣值著猶原住遐。』今著准我見王的面;我若有罪,伊通刣我。」

14:33 約押就去見王,給伊講,伊叫押沙龍。押沙龍就來見王,佇王的面前仆佇地裡,王就唚押沙龍


回聖經目錄