撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

15:1 此霎了後,押沙龍為家己備辦車馬,閣五十人走佇伊的頭前。
15:2 押沙龍早早起來,徛佇城門的路邊,若有人來有案件著互王判斷的,押沙龍就叫伊來,問伊講:「你是叨落一個城的人。」伊應講:「奴僕是以色列一個支派的人。」
15:3 押沙龍給伊講:「你的代誌是好是有情理,總是王無交代人聽你的話。」
15:4 押沙龍閣講:「可惜無設立我做此個地方的審判司!見有相告著判斷的事的來到我遮,我欲照公義判決伊。」
15:5 見有人近倚來拜伊,伊就伸手牽伊,給伊唚。
15:6 以色列人的中間,見若欲去見王求判斷的,押沙龍攏按呢款待in。按呢,押沙龍暗靜得著以色列人的心。
15:7 過四年,押沙龍對王講:「求你准我去希伯崙,還我對耶和華所下的願。
15:8 因為奴僕踮佇亞蘭基述,曾下願講:『耶和華若果然互我閣倒來耶路撒冷,我欲服事耶和華。』」
15:9 王給伊講:「你通平安去!」押沙龍就起來,去希伯崙
15:10 押沙龍差偵探行遍以色列逐支派,講:「恁一下聽見哨角的聲就講:『押沙龍希伯崙做王啦!』」
15:11 押沙龍所請彼二百人及伊對耶路撒冷去,許個人攏是無意中去,呣知彼個事。
15:12 大衛的謀士亞希多弗基羅人,當獻祭的時,押沙龍差人召伊,對伊的本城基羅來。對按呢叛逆的勢面愈強;因為隨押沙龍的百姓日日愈多。
15:13 有人來報大衛講:「以色列人的心攏歸向押沙龍啦。」
15:14 大衛給許個及伊佇耶路撒冷的人臣講:「起來,咱著逃走,若無攏boe會閃避押沙龍;著緊緊去,驚了伊緊緊到來趇(jip)著咱,陷害咱,用刀刣死城內的人。」
15:15 王的人臣給王講:「看啊,我的主我的王所注意的,你的奴僕攏欲行。」
15:16 王出去,伊的家眷攏隨伊,王留十個嬪妃顧厝。
15:17 王出去,眾百姓攏隨伊,到伯墨哈,就歇。
15:18 王的人臣攏佇伊的面前行過去。一切的基利提人、比利提人,及迦特人就是對迦特隨伊來的六百人,也攏佇王的面前行過去。
15:19 王給迦特人以太講:「你啥事及阮去?通倒去及王相及住,你是外邦人,遷徙佇外面,通倒去本所在!
15:20 你昨日才來,我今仔日豈通勞煩你及阮漂流啊?我去我所去的所在,你通倒去,帶你的兄弟相及倒去!願恩典誠實及你佇啲。」
15:21 以太應王講:「我指永活的耶和華,及我的主我的王的活命來咒誓:我的主我的王或活或死,見所佇啲的所在,你的奴僕也佇遐。」
15:22 大衛以太講:「你去,過去!」迦特以太及許個隨伊的人及所有的囝仔就攏過去。
15:23 遍地大聲啼哭,眾百姓攏過去,王也過汲淪溪;眾百姓過去,向曠野啲行
15:24 撒督及攏總隨伊的利未人扛上帝的約櫃來,下上帝的櫃佇遐。亞比亞他上來,聽候眾百姓對城內出來攏過去。
15:25 王給撒督講:「你扛上帝的櫃倒去城內。我若得著恩典佇耶和華的目前,伊欲互我倒來,互我閣看見伊及伊徛起的所在。
15:26 設使伊講:『我無歡喜你』,看啊,我佇遮,願伊照伊看做好的行佇我!」
15:27 王閣給祭司撒督講:「你豈呣是先見嗎?你通安然倒去城內;你的子亞希瑪斯亞比亞他的子約拿單,恁此二個子攏通及你去。
15:28 看啊,我佇曠野的渡口( ō͘-kháu)聽候對你遐有消息來報我知實情。」
15:29 對按呢撒督亞比亞他扛上帝的櫃倒去耶路撒冷就住佇遐。
15:30 大衛對上橄欖山的路上去,愈上去(ná chiūⁿ-khì)愈哮,罩(tà)頭殼褪赤腳(thǹg-chiah-kha)來行。隨伊去的眾百姓也罩頭殼上去,愈上去愈哮;
15:31 有人報大衛講:「亞希多弗也隨押沙龍佇叛黨(poān-tóng)的中間。」大衛講:「耶和華啊,求你互亞希多弗的計謀變做戇(gōng)!」
15:32 大衛上到山頂、敬拜上帝的所在,看見亞基戶篩(Hō͘-su),衫拆裂(thiah-li̍h),頭殼摻塵埃(tîn-ai)來迎接伊。
15:33 大衛給伊講:「你若及我去,會拖倕(thoa-thūi)我;
15:34 你若倒去城內,給押沙龍講:『王啊,我欲做你的奴僕;我前做你的父的奴僕,今我也欲按呢做你的奴僕。』你就通給我破壞亞希多弗的計謀。
15:35 祭司撒督亞比亞他豈無及你佇遐嗎?你對王宮內所聽見的,就著給祭司撒督亞比亞他講。
15:36 撒督的子亞希瑪斯亞比亞他的子約拿單,此二個子也及佇遐。見若恁所聽見的通託仗(thok-tiōng)來報我。」
15:37 對按呢,大衛的朋友戶篩入城;押沙龍也入耶路撒冷


回聖經目錄