撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

16:1 大衛過山頂無偌遠,看見米非波設的奴僕洗巴來抵著伊帶掛鞍的驢二隻,載餅二百,葡萄干一百葩,夏天的果子一百,酒一皮囊。
16:2 王問洗巴講:「你帶諸個來是甚麼意思?」洗巴講:「驢是欲互王的家眷騎;餅及夏天的果子是欲互少年人食;酒是欲互佇曠野厭倦的人飲。」
16:3 王問講:「你的主人的子佇叨落?」洗巴應王講:「伊猶原佇耶路撒冷,因為伊講:『以色列人今仔日欲將我的父的國還我。』」
16:4 王給洗巴講:「米非波設所有的攏歸互你。」洗巴講:「我跪拜,願得著恩典佇我的主我的王的面前。」
16:5 大衛王到巴戶琳的時,看啊,有掃羅族的家一人出來,就是基拉的子,名叫示每。他出來愈行愈咒詛,
16:6 閣拾石頭擲大衛大衛王的人臣;彼時眾百姓及勇士攏佇王的左右。
16:7 示每咒詛講:「你此個流人的血的人啊,你此個歹人啊,去啊去啊!
16:8 你替掃羅做王,今耶和華用伊的家的血攏歸佇你,耶和華用此個國交佇你的子押沙龍的手。今你抵著惡報,因為你是流人的血的人。」
16:9 洗魯雅的子亞比篩給王講:「此隻死狗豈通咒詛我的主我的王嗎?求你准我過去,割伊的頭。」
16:10 王講:「洗魯雅諸個子啊,我及恁有甚麼干涉?出在伊咒詛因為耶和華吩咐伊講:『你著咒詛大衛。』按呢,是誰敢講你啥事按呢行啊?」
16:11 大衛閣給亞比篩及伊的眾人臣講:「我親生的子尚且數想我的生命,何況此個便雅憫人啊?容允伊出在伊咒詛!因為這是耶和華教伊的。
16:12 豈採耶和華鑑察我的冤枉,因為伊今仔日的咒詛,耶和華欲用好報我。」
16:13 大衛及隨伊的人行路去。示每行佇伊相對的山坪,愈行愈咒詛,閣擲石頭,撒土。
16:14 王及隨伊的眾百姓真厭倦到一所在,就佇遐歇睏。
16:15 押沙龍及眾百姓以色列人來到耶路撒冷亞希多弗也及伊佇遐。
16:16 大衛的朋友亞基戶篩來到押沙龍遐,戶篩押沙龍講:「願王萬歲!願王萬歲!
16:17 押沙龍戶篩講:「你好款待你的朋友是按呢嗎?啥事無及你的朋友相及去啊?」
16:18 戶篩押沙龍講:「呣是按呢,耶和華及此個百姓,及以色列眾人,所揀的,我欲歸伊,也欲及伊住。
16:19 閣一項,我著服事是誰啊?豈呣是佇伊的子的面前嗎?我怎樣佇你的老父的面前服事,也欲按呢佇你的面前。」
16:20 押沙龍亞希多弗講:「恁著計劃,看咱著怎樣行?」
16:21 亞希多弗押沙龍講:「你的老父所留啲顧厝許個嬪妃,你著及伊睏。就以色列的眾人聽見你互你的老父厭惡,見若歸你的人,伊的手欲嚴硬。」
16:22 就給押沙龍搭布棚,佇王宮的磚棚頂;押沙龍就佇以色列眾人的面前入去,及伊的老父的嬪妃睏。
16:23 彼時亞希多弗所計劃的計劃親像人問上帝的話一樣;亞希多弗對佇大衛,抑是對佇押沙龍所計劃的,攏是按呢。


回聖經目錄