撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

17:1 亞希多弗閣給押沙龍講:「請你准我揀一萬二千人,今暝我欲起身追趇大衛
17:2 趁伊厭倦手軟,我欲趇著伊,互伊驚惶;隨伊的眾百姓欲攏逃走,我就干單刣死王若定,
17:3 互眾百姓攏歸你。你所尋彼人是親像眾人倒轉來一樣,按呢百姓攏平安。」
17:4 押沙龍以色列的長老攏掠此個話做好。
17:5 押沙龍講:「著叫亞基戶篩來,咱也通聽伊所講的。」
17:6 戶篩押沙龍遐,押沙龍給伊講:「亞希多弗講按呢,咱著照伊的話行嗎?若無,你就著講!」
17:7 戶篩押沙龍講:「亞希多弗此擺所計劃的呣好。」
17:8 戶篩閣講:「你知,你的老父及隨伊的人攏是勇士,今的心猛烈,親像田野失落子的熊母一般,閣你的老父是戰士,的確無及百姓相及歇。
17:9 看啊,伊今匿佇山坑抑是別所在,若有幾若人代先互伊刣死,見若聽見的人欲講:『隨押沙龍的百姓其中有受刣。』
17:10 雖然有人好膽的心親像獅的心,也欲攏消溶;因為以色列人攏知你的父是勇士,隨伊的人也攏是好膽。
17:11 所以我舉議,著互以色列眾人──對別是巴,聚集來你遮,親像海邊的沙許多──你也親身督陣。
17:12 按呢,無論佇甚麼所在抵著伊,咱欲攻擊伊,落佇伊的頂面親像露水落佇地裡一般,互伊及隨的人,無留一個。
17:13 伊若入城,以色列眾人欲帶索到彼個城,咱欲給伊拖落河,致到佇遐無看見一塊石頭仔。」
17:14 押沙龍以色列眾人講:「亞基戶篩的計劃比亞希多弗的計劃卡好!」因為耶和華定著欲破壞亞希多弗的好計劃,致到耶和華通降災禍互押沙龍
17:15 戶篩給祭司撒督亞比亞他講:「亞希多弗押沙龍以色列的長老所計劃的是按呢按呢,我所給伊計劃的是按呢按呢。
17:16 今恁著趕緊差人去,給大衛講:『今暝呣通踮佇曠野的渡口,的確著過河,免得王及隨伊的人攏受吞滅。』
17:17 彼時,約拿單亞希瑪斯踮佇隱羅結啲聽候,因為呣敢互人看見入城。有一個女婢來,給講,就去給大衛王講。
17:18 總是有一個囝仔看見,就去給押沙龍講。二人趕緊走到巴戶琳某人的厝;彼人的院內有井,二人就落去遐。
17:19 彼家的婦仁人用蓋(kòa)蓋(khiàm)井嘴,頂面舖麥屑(sut),代誌就無漏洩(lāu-siat)。
17:20 押沙龍的奴僕來到婦仁人彼間厝,問伊講:「亞希瑪斯約拿單佇叨落?」婦仁人講:「過溪去啦。」奴僕尋,尋無著,就倒去耶路撒冷
17:21 in倒去了,二人對井裡起來,去給大衛王講,大衛講:「恁著起來,緊緊過水,因為亞希多弗有按呢按呢計劃,欲害你。」
17:22 大衛及隨伊的人就起來,過約但。到天光,無剩一人無過約但
17:23 亞希多弗看見無照伊的計劃行,就備辦驢起身,倒去伊的城;到伊的家,吩咐伊的家事,就家己吊死,埋葬佇伊的老父的墓。
17:24 大衛到瑪哈念,押沙龍及隨伊的以色列人也攏過約但
17:25 押沙龍設立亞瑪撒做軍長,替約押亞瑪撒以色列以特拉的子。以特拉曾及拿轄的查某子亞比該同房;此個亞比該約押的老母洗魯雅是姊妹。
17:26 以色列人及押沙龍紮營佇基列地。
17:27 大衛瑪哈念彼時,亞捫族的拉巴拿轄的子朔比羅底巴亞米利的子瑪吉基列羅基琳巴西萊
17:28 帶舖仔、盆、磁器、小麥、大麥、麵粉、炒的五榖、豆仔、紅豆、炒豆、
17:29 蜜、奶油、羊、牛奶餅,供給大衛及隨伊的人通食;因為講:「百姓佇曠野必定會枵,厭倦嘴乾。」