撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

2:1 後來,大衛問耶和華講:「我上去猶大一個城通嗎?」耶和華給伊講:「通上去。」大衛講:「我著上去叨落?」伊講:「到希伯崙。」
2:2 大衛就及伊二個某──就是耶斯列亞希暖(A-hi-loán),及迦密人曾做拿八的某名亞比該──攏上去遐。
2:3 大衛也互跟隨伊的人及逐人的家眷攏上去,就踮佇希伯崙許個城。
2:4 猶大人到,佇遐用油抹大衛猶大家的王。有人給大衛講:「埋葬掃羅的是基列雅比的人。」
2:5 大衛就差使者去見基列雅比的人,給講:「願耶和華賜福恁!因為恁用此個仁慈款待你的主──掃羅;給伊埋葬(bâi-chòng)。
2:6 願耶和華用仁慈誠實款待恁,我也欲答恁此個仁慈,因為恁有行此個事。
2:7 恁的手著嚴硬(giám-ngī),恁著勇敢,因為恁的主──掃羅已經死。猶大族也有用油抹我做的王。」
2:8 掃羅的軍長尼珥的子押尼珥,曾將掃羅的子伊施波設帶伊過去瑪哈念
2:9 設立伊做王,治理基列亞書利耶斯列以法蓮便雅憫,及以色列的眾人。
2:10 掃羅的子伊施波設起頭做以色列王,彼時四十歲,坐位二年;獨獨猶大族隨大衛
2:11 大衛希伯崙猶大族的王,歷過七年閣六月日。
2:12 尼珥的子押尼珥掃羅的子伊施波設的人臣對瑪哈念出來,去基遍
2:13 洗魯雅的子約押大衛的人臣也出來,佇基遍的池邊相抵著;就坐啲,一隊坐佇池的此旁,一隊坐佇池的彼旁。
2:14 押尼珥約押講:「請你互少年人起來,佇咱的面前滾笑(kún-chhiò)。」約押講:「通互伊起來。」
2:15 就起來照數額過去:屬掃羅的子伊施波設便雅憫人十二名,大衛的人臣也有十二名,
2:16 逐個搝(khiú)伊對面彼人的頭殼,用刀鑿(chha̍k)伊對面彼人的脅(hia̍p),做一下倒落去死。所以,彼所在叫做希利甲哈素林,就是佇基遍
2:17 彼日的交戰真雄,押尼珥以色列人卡輸佇大衛的兵的面前。
2:18 佇遐有洗魯雅三個子:約押亞比篩亞撒黑亞撒黑的腳(gâu)走親像野鹿一般;
2:19 亞撒黑追趇押尼珥無偏左右,直直趇押尼珥
2:20 押尼珥越頭看講:「亞撒黑啊,是你抑呣是?」應講:「是我。」
2:21 押尼珥給伊講:「你著越轉正旁抑是倒旁,掠一個少年人,為你本身剝伊的戰衫。」總是亞撒黑直直追伊,呣肯越轉。
2:22

押尼珥閣給亞撒黑( A-sat-hek)講:「你越轉莫得追趇我!我啥事著拍你倒地?若按呢,我有甚麼面目通去見你的兄約押?」

2:23 伊猶原呣肯越轉。押尼珥才用槍柄(chhiuⁿ-pìⁿ)後的刀鑿入伊的腹肚,槍就過伊的尻脊後,伊就倒佇遐死。見若來到亞撒黑倒啲死的所在,就攏停腳。
2:24 約押亞比篩追趇押尼珥基亞相對面的亞瑪山,佇基遍曠野的路,日就落。
2:25 便雅憫人聚集,隨押尼珥做一陣徛佇山頂。
2:26 押尼珥約押講:「刀劍刣人永無息嗎?你豈呣知到尾有艱苦嗎?你欲到甚麼時互百姓倒去、無趇兄弟啊?」
2:27 約押講:「我指永活的上帝來咒誓:若呣是你講,早起百姓就倒去,無趇伊的兄弟。」
2:28 對按呢約押歕哨角,眾百姓就徛啲,無閣追趇以色列人,也無閣交戰。
2:29 押尼珥及隨伊的人通暝行經過亞拉巴,過約但,對畢倫過去,到瑪哈念
2:30 約押無閣趇(jip)押尼珥就倒來,聚集眾百姓,大衛的兵減十九人及亞撒黑
2:31 總是大衛的兵拍死便雅憫人及隨押尼珥的人,共三百六十人。
2:32 亞撒黑去伯利恆,埋葬佇的墓。約押及隨伊的人通暝行,到希伯崙的時天抵仔光。


回聖經目錄