撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

24:1 耶和華閣受氣以色列人,激動大衛來害,就講著去算以色列猶大人。
24:2 王吩咐及伊佇啲的軍長約押,講:「你今去遍行以色列眾支派,對別是巴,點算百姓,互我知百姓的數額。」
24:3 約押給王講:「無論百姓偌多,願耶和華──你的上帝加添百倍,閣互我的主我的王親目看見。總是我的主我的王啥事歡喜此個事啊?」
24:4 總是王的話贏過約押及許個軍長。約押及許個軍長就對王的面前出去,點算以色列的百姓。
24:5 約但,紮營佇亞羅珥、佇迦得山谷中的城的正旁,及雅謝相近,
24:6 閣到基列他停合示的地,閣到但雅安,踅到(se̍h-kàu)西頓
24:7 閣到推羅堅固的城,及希未人以及迦南人一切的城,閣出去到猶大南方的別是巴
24:8 遍行全地,歷過九月日閣二十日,就倒轉到耶路撒冷
24:9 約押用算百姓的數額晉互王知;以色列人攑刀的勇士八十萬;猶大人有五十萬。
24:10 大衛算百姓的數額了後,心就家己責備,大衛給耶和華講:「我行此個事大大有犯罪。耶和華啊,求你除去你的奴僕的過失,因為我所行的真戇。
24:11 大衛天光早起來的時,耶和華的話臨到先知迦得,就是大衛的先見者,講:
24:12 「你去給大衛講,耶和華按呢講:『今我用三項互你,你揀一項,我通行佇你。』」
24:13 迦得就來通知大衛,對伊講:「你愛你的地飢荒七年久嗎?抑是愛你的對敵追趇你,你逃走佇伊的面前三月日久啊?抑是愛瘟疫佇你的地三日久啊?今你著斟酌(chim-chiok)想看唧(cheh),我通用甚麼話回覆差我的。」
24:14 大衛迦得講:「我真為難!咱寧可陷落佇耶和華的手,因為伊有豐盛的憐憫。我呣願陷落佇人的手。」
24:15 耶和華就降瘟疫互以色列,對清早到所定著的時;對別是巴,百姓間死七萬人。
24:16 當天使伸手佇耶路撒冷欲滅伊的時,耶和華就退悔(thè-hóe )降落此個災禍(chai-ē),就給滅百姓的天使講:「夠額啦!勼(kiu)你的手!」彼時耶和華的使者佇耶布斯人亞勞拿的五榖場(gō͘-kak-tiûⁿ)。
24:17 大衛看見拍百姓的天使,就給耶和華講:「看啊,犯罪的是我,悖逆的也是我;總是諸個歸群的羊有做甚麼啊?願你的手攻擊我及我父的家。」
24:18 彼日,迦得來見大衛,給伊講:「你上去,佇耶布斯亞勞拿的五榖場給耶和華起一座壇。」
24:19 大衛迦得的話上去,照耶和華的命令。
24:20 亞勞拿啲看,看見王及伊的人臣(jîn-sîn)對面來,亞勞拿就出去,仆佇地裡拜王。
24:21 亞勞拿講:「我的主我的王來奴僕遮啥事?」大衛講:「我來欲買你此個五榖場,給耶和華起一座壇,互百姓間的瘟疫(un-e̍k)息(soah)。」
24:22 亞勞拿大衛講:「我的主我的王,照你所看做好的提來獻伊。看啊,遮有牛通做燒祭,有拍五榖的器具及套牛的枷車( ka-chhia)通做柴(chhâ.)。
24:23 王啊,亞勞拿用這一切送互王」;亞勞拿閣給王講:「願耶和華──你的上帝接納你。」
24:24 王給亞勞拿講:「呣通啊。我欲照價錢給你買;我呣肯用白白得著的物做燒祭獻互耶和華──我的上帝。」大衛就用五十舍客勒的銀買彼個五榖場及牛。
24:25 大衛佇遐給耶和華起一座壇,獻燒祭及謝恩祭。按呢,耶和華聽為地方所求的,瘟疫佇以色列中就息。