撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24
3:1 掃羅的家及大衛的家交戰久久。大衛愈強盛;掃羅的家愈衰弱。
3:2 大衛希伯崙生幾若個子:大子暗嫩是耶斯列人亞希暖所生的;
3:3 第二個基利押是曾做迦密拿八的某亞比該所生的;第三個押沙龍基述達買的查某子瑪迦的子;
3:4 第四個亞多尼雅哈及的子;第五個示法提雅亞比他的子;
3:5 第六個以特念是大衛的某以格拉所生的。諸個是大衛希伯崙所生的。
3:6 掃羅的家及大衛的家交戰的時,押尼珥掃羅的家(ke)家己(ka-kī)強。
3:7 掃羅有一個妃(hui),名叫利斯巴,是愛亞的查某子。伊施波設押尼珥講:「你啥事及我老父的妃同房啊?」
3:8 押尼珥因為伊施波設的話就真受氣,講:「我豈是猶大的狗頭嗎?我好款待你的老父掃羅的家及伊的兄弟、朋友,無將你交佇大衛的手,你今仔日竟然因為此個婦仁人責備我嗎?
3:9 我若無照耶和華所對大衛咒誓的來行佇伊,就願上帝加倍責罰押尼珥
3:10 欲對掃羅的家移徙(î-sóa)國位,來建立大衛的位,互伊治理以色列猶大,對別是巴。」
3:11 伊施波設因為驚押尼珥應一句話。
3:12 押尼珥為著本身差使者去見大衛,講:「此個地方屬是誰啊?」閣講:「你及我立約,我的手欲幫助你,互以色列攏歸你。」
3:13 大衛講:「好!我及你立約。總是我欲對你討一項,就是你來見我的面彼時,若無將掃羅的查某子米甲導來,的確見我的面。」
3:14 大衛就差使者去見掃羅的子伊施波設,講:「你著將我的某米甲還我;伊就是我曾用非利士人一百陽物的皮所聘定的。」
3:15 伊施波設就差人,對伊的丈夫、拉億的子帕鐵遐帶伊來。
3:16 伊的丈夫隨伊的後面,愈行愈哮,及伊到巴戶琳押尼珥給伊講:「倒去啊!」伊就倒去。
3:17 押尼珥以色列的長老參詳講:「恁前欣慕大衛做王治理恁,
3:18 今著行伊。因為耶和華曾論到大衛講:『我欲用我的奴僕大衛的手,救我的百姓以色列脫離非利士人的手及眾對敵的手。』」
3:19 押尼珥也講互便雅憫人聽,閣到希伯崙,將以色列人及便雅憫全家一切所看做好的講互大衛聽。
3:20

押尼珥及二十人到希伯崙大衛大衛為著押尼珥以及及伊來的人設筵席。

3:21 押尼珥大衛講:「我欲起來去招集以色列眾人來見我的主我的王,互in通及你立約,你就通做王照心所愛來管理。」大衛就送押尼珥去;伊就平安去。
3:22 大衛的兵及約押出軍倒來,帶多多搶的物來。彼時押尼珥無佇希伯崙大衛遐,因為大衛已經送伊去,伊也平安去。
3:23

約押及隨伊的全軍已經到,有人通知約押講:「尼珥的子押尼珥來見王,王送伊去,伊也平安去。」

3:24 約押去見王講:「你做甚麼啊?看啊,押尼珥來見你,你啥事送伊去,今伊去了(khì-liáu)啦!
3:25 你知,尼珥的子押尼珥來是欲騙你,愛知你的出及你的入及你一切所做的事。」
3:26 約押大衛遐出來,就差使者去趇押尼珥就對西拉的井帶伊來,總是大衛呣知。
3:27 押尼珥倒轉來到希伯崙約押(Iok-ap)導伊到城門口,假欲暗靜(àm-chīⁿ)及伊講話,就佇遐鑿透伊的腹肚,伊就死。這是為著伊的小弟亞撒黑互伊刣死。
3:28 後來大衛聽見,就講:「留尼珥的子押尼珥的血,此個罪佇耶和華的面前的確永遠無歸佇我及我的國。
3:29 願彼個歸佇約押的頭殼及伊的老父全家;閣願約押的家患著下痟(hā-siau)的,癩的,抑是倚柺的,互刀刣死的,無通食的永無斷。」
3:30 約押及伊的小弟亞比篩(A-pí-su)刣死押尼珥,是因為伊佇基遍交戰的時刣死的小弟亞撒黑
3:31 大衛約押及隨伊的眾百姓講:「恁著拆裂衫,縖麻布,佇押尼珥面前啼哭。」大衛王也隨佇伊的棺柴後。
3:32 埋葬押尼珥希伯崙。王倚押尼珥的墓來啼哭,眾百姓也啼哭。
3:33

王為著押尼珥悲哀,講:押尼珥怎樣親像戇人的死啊?

3:34

你的手無捆縛,你的腳無鎖鍊。你死,親像人死佇歹人的面前。對按呢眾百姓閣為著伊哀哭。

3:35 日未落的時,眾百姓來勸大衛食餅,總是大衛咒誓講:「我若佇日未落的代先食淡薄餅,抑是食別項物,願上帝加倍責罰我!」
3:36 眾百姓注意看,攏看做好。親像王凡所做的,眾百姓攏看做好。
3:37 彼日,眾百姓及以色列眾人才知刣死尼珥的子押尼珥攏呣是出佇王的意思。
3:38 王給伊的人臣講:「恁豈呣知今仔日佇以色列中死一個豪傑 hô-kia̍t)的大偉人(jîn)嗎?
3:39 我雖然受抹油做王,今仔日猶是軟弱;洗魯雅的子諸個人比我卡強。行歹的人,願耶和華照伊的歹報應伊。」

回聖經目錄