撒 母 耳 記 下

1 2 3 4 5 6 7 8 9 10 11 12 13 14 15 16 17 18 19 20 21 22 23 24

6:1 大衛閣聚集以色列中所揀的三萬人。
6:2 大衛起身,導隨伊的眾百姓,對巴拉猶大去欲對遐扛上帝的櫃來;此個櫃的名是用坐佇二個兵的中間萬軍的耶和華的名來稱者。
6:3 下上帝的櫃佇新的車,對山頂亞比拿達的家載出來;亞比拿達二個子烏撒亞希約趕彼個新車。
6:4 將伊及上帝的約櫃對山頂亞比拿達的家載出來,亞希約行佇櫃的頭前。
6:5 大衛以色列的全家佇耶和華的面前,用松柴所造逐號的樂器及琴、瑟(sek)、鈴瓏鼓、大鼓、鈸(poa̍t),來作樂跳舞。
6:6 拿艮(Ná-kùn)的五榖場,烏撒伸手扶上帝的約櫃,因為牛著觸。
6:7 耶和華受氣烏撒,上帝佇遐因為伊的錯誤來拍伊,伊就死佇遐,佇上帝的櫃邊。
6:8 因為耶和華忽然拍死烏撒大衛無歡喜,就稱彼所在做毗列斯烏撒,到今仔日。
6:9 當彼日,大衛驚耶和華,講:「耶和華的櫃豈可通到我的所在?」
6:10 對按呢大衛呣肯將耶和華的櫃扛入大衛的城,到家己的所在,大衛就扛伊越入迦特俄別以東的家。
6:11 耶和華的櫃踮佇迦特人俄別以東的厝三月日;耶和華賜福氣互俄別以東及伊的全家。
6:12 有人給大衛王講:「耶和華因為上帝的櫃賜福佇俄別以東的家及見若屬佇伊的。」大衛就去,歡喜扛上帝的櫃對俄別以東的厝到大衛的城。
6:13 扛耶和華約櫃的人行六步,大衛就獻一隻牛及一隻肥的精牲做祭祀(chè-sū)。
6:14 大衛佇耶和華的面前盡力跳舞,大衛縖幼苧布的以弗得
6:15 按呢,大衛以色列全家扛耶和華的櫃上來,出歡喜的聲歕哨角。
6:16 耶和華的櫃入大衛城的時,掃羅的查某子米甲對窗仔門看,看見大衛(chông)起來跳舞佇耶和華的面前,心就看輕伊。
6:17 扛耶和華的櫃入去,下佇伊的所在,就是大衛所為伊搭的布棚。大衛佇耶和華的面前獻燒祭及謝恩祭。
6:18 大衛獻燒祭及謝恩祭明白,就用萬軍耶和華的名給百姓祝福,
6:19 閣佇許個眾百姓,就是以色列眾人,無論男女,每人分互一個餅,一塊肉,一個葡萄干餅;眾百姓就去,逐人倒去in的厝。
6:20 大衛倒去欲給伊的家眷祝福;掃羅的查某子米甲出來迎接大衛,講:「以色列王今仔日有偌大榮光啊!今仔日露體佇人臣的女婢目睭前,親像一個無下落人無畏見誚露體一樣。」
6:21 大衛米甲講:「這是佇耶和華的面前;伊揀我過你的老父及伊的全家,設立我做耶和華的百姓以色列的君王,所以我欲佇耶和華的面前跳舞。
6:22 我欲比此個閣卡粗俗,家己看做卑賤。你所講許個女婢,我欲受尊重。」
6:23 對按呢掃羅的查某子米甲,到死的日,無生子兒(kiáⁿ-jî)。


回聖經目錄