使 徒 行 傳

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

12:1 將近彼時,希律王下手陷害教會中幾若人,
12:2 用刀刣約翰的兄弟雅各
12:3 看見猶太人歡喜,就閣掠彼得。彼時就是除酵的日。
12:4 已經掠,就關伊佇監裡,交互四班的兵顧守,每班四人,意思欲佇過節後帶伊出,辦伊互百姓看。
12:5 對按呢彼得留佇監裡;獨獨教會替伊切切求上帝。
12:6 希律啲欲提伊出彼暝,彼得縛佇二條鐵鍊,睏佇二個兵的中間;閣顧守的人佇門外啲顧守。
12:7 忽然,有主的天使徛佇邊頭,房內有光啲照,搭彼得的脇下,叫伊醒,講:「緊緊起來!」鐵鍊就對伊的手落去。
12:8 天使給伊講:「著縖帶,穿鞋。」伊照按呢行。閣給伊講:「你的衫,隨我。」
12:9 就出來隨伊,呣知天使所做的是真,掠做是看見異象。
12:10 已經經過第一及第二顧守的所在,到透城的鐵門,彼個門為著家己開。就出去,行過一條街,天使連鞭離開伊。
12:11 彼得醒悟,講:「今我真正知主差伊的天使,救我脫離希律的手及猶太的百姓一盡所向望的。」
12:12 已經想明此個事,就到約翰稱做馬可的老母馬利亞的厝,佇遐有多多人聚集啲祈禱。
12:13 伊拍外門的時,有查某囝仔,名羅大,出來聽,
12:14 認得彼得的聲,因為歡喜的緣故無開門,走入去給人講:「彼得徛佇門外。」
12:15 若是對伊講:「你啲狂啦!」查某囝仔出力講:「真正是!」就講「是伊的天使!」
12:16 彼得閣拍門無息。開門,看見伊,真卬愕。
12:17 伊搖手,教莫做聲,就對講起主怎樣導伊出監;閣講:「著將諸個事給雅各及兄弟講。」就出去,去別所在。
12:18 到天光,兵丁呣知彼得叨落去,就大擾動。
12:19 希律尋伊著,就審問顧守的兵,命令拖去刣。就離開猶太,落去該撒利亞徛起。
12:20 希律不止受氣推羅西頓的人。總是許個人同心就近伊,拜託跟隨王的人臣伯拉斯都求和,因為的地方對王的地方得著米糧。
12:21 希律佇所定著的日期,穿王服,坐佇座位,當面對講。
12:22 百姓叫講:「這是上帝的聲,呣是人的聲。」
12:23  希律無歸榮光上帝,主的天使隨時拍伊,就互蟲咬,氣斷。
12:24 若是上帝的道理愈開闊,興旺。
12:25 巴拿巴掃羅賑濟人的事辦明白,就對耶路撒冷倒轉,導約翰稱做馬可的相及去。

回聖經目錄