使 徒 行 傳

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

21:1 阮已經離別,開船直直到哥士。隔日到羅底,對遐閣到帕大喇
21:2 抵著一隻船欲過去腓尼基,就搭伊起身。
21:3 已經會看見居比路,對正旁行過,到敘利亞,佇推羅上山,因為船佇遐卸載(sià-chãi)
21:4 尋著有學生,及住七日。對神感動,給保羅講:「莫得行到耶路撒冷。」
21:5 諸個日已經滿,阮起身行。眾人及某子,送阮到城外,就攏跪落佇海邊祈禱,大家相辭。
21:6 阮上船,倒去兜(tau)。
21:7 阮對推羅水路行盡,就到多利買,請安兄弟,及住一日。
21:8 隔日,起身到該撒利亞,入傳福音的人腓力的家,及伊相及住。伊是彼七人中一個。
21:9 伊有四個查某子,攏是在室女,也做先知。
21:10 遐幾若日,有先知,名亞迦布,對猶太落來,
21:11 就近阮,提保羅的帶縛家己的腳手,講:「聖神講:猶太人佇耶路撒冷,欲按呢縛此條帶的主人,交佇外邦人的手。」
21:12 阮聽見諸個話,就及彼所在的人勸保羅呣通上耶路撒冷
21:13 保羅就應講:「恁啥事啼哭,來嘈齪(chô-chak)我的心啊?我為著主耶穌的名,呣若受縛,就死佇耶路撒冷亦已經便啦。」
21:14 伊呣受苦勸,阮就息,講:「主的旨意得著成,就是。」
21:15 諸個日了後,阮收拾行李上耶路撒冷
21:16 該撒利亞幾若個學生及阮去,亦導一個居比路拿孫,是舊的學生,阮欲歇兜(tau)。
21:17 耶路撒冷,兄弟歡喜接接阮。
21:18 隔日,保羅及阮入去見雅各;眾長老亦佇啲。
21:19 保羅已經給請安,就將上帝用伊做工,所行佇外邦的,一項一項講明。
21:20 聽見,就歸榮光上帝,也對保羅講:「兄弟啊,你看見猶太人的中間信的偌多萬,攏是為著律法啲熱心。
21:21 曾聽見人講,你教示外邦中的猶太人攏背摩西,講莫得給的子行割禮,亦莫得趁諸個規例。
21:22 今欲怎樣?的確會聽見你來。
21:23 所以阮所給你講的你著行伊。阮遮有四個人下願。
21:24 你導諸個人,及成清氣,出所費互剃頭毛。按呢,就眾人會知,所聽見講起你的代誌是無影;就你本身亦是守律法來行。
21:25 論到信主的外邦人,阮已經曾寄批議定,著禁戒祭偶像的物,及血、及勒(nih)死的物,及淫亂。」
21:26 保羅就導許個人,第二日及成清氣,入殿,報明清氣的日期滿啦,聽候給逐人獻禮物。
21:27 彼七日啲欲滿,對亞西亞來的猶太人看見保羅佇殿裡,就教唆眾百姓,下手掠伊,
21:28 叫講:「以色列人啊,來幫助,此人就是彼個佇逐所在教示眾人攻擊咱的百姓及律法,及此所在的。閣有導希利尼人入殿,拍垃墋此個聖的所在。」(
21:29 因為曾看見以弗所特羅非摩及伊佇城內,拍算保羅有導伊入殿。)
21:30 對按呢通城搖泏,百姓攏走來,掠保羅,拖伊出殿,諸個門連鞭關。
21:31 啲欲刣伊,有消息傳到營裡的千總講:「通耶路撒冷紛亂。
21:32 伊連鞭導兵丁及百總幾若個,走落去到遐。看見千總及兵丁,就停手無閣拍保羅
21:33 千總近前掠保羅,命令用二條鍊縛伊;問伊是是誰,做甚麼代誌。
21:34 眾人一個喝(hoah)一款;因為喊嘩(hán-hõa)知彼個實情,就命令帶伊入營盤。
21:35 已經到崎仔,因為眾人挨夾真雄,兵丁就將保羅插上去。
21:36 是眾百姓隨佇後面,叫講:「給伊除去!」
21:37 保羅帶去欲入營盤的時,對千總講:「我一句話給你講,通嗎?」伊講:「你識希利尼話嗎?
21:38 你豈呣是彼個埃及人,前日起擾亂、導四千個兇手出去曠野的嗎?」
21:39 保羅講:「我是猶太人,出世佇基利家大數,是出名的城的百姓。求你准我對百姓講。」
21:40 已經准伊。保羅就徛佇崎仔頂,對百姓搖手,眾人靜靜,就用希伯來的腔口對講:

回聖經目錄